БИШКЕК, 3-мар — Sputnik. Украинадагы каатчылыкты жөнгө салуу боюнча Минсктеги макулдашууларды АКШ "кайра бычуу" аракетин жасап жатат деп билдирет РИА Новости Россиянын тышкы иштер министринин орун басары Сергей Рябковго таянуу менен.
Министрдин орун басарынын айтымында, Америка документти өзгөртүү аракетинен баш тарткан жери жок.
"Тилекке каршы, биз күткөндөр болуп жатканын ырастоого туура келет: 12-февралдагы Минск келишимдери Американын көңүлүнө туура келген жок", — деди Рябков.
Анын айтымында, кырдаалды Киевдин, Донецктин жана Лугансктын ортосундагы түз диалог гана оңдой алат.
"Украинада түзүлгөн жагдай — көп жагынан Вашингтондун жасагандарынын натыйжасы", — деген ишеничте Рябков.
Чыр-чатакты акыркы жолу жөндөштүрүү аракети 2015-жылдын 12-февралында Россия менен ЕККУнун байланыштыргыч тобунун Минскте өткөн жолугушуусунда жасалган. Анын натыйжасында Минск макулдашууларын аткаруу боюнча иш-аракеттер топтому кабыл аланып, ага ылайык тараптарга февралдын ортосунан тартып Донбасста ок атууларды токтотуу, оор курал-жарактарды алыстатуу жана коопсуздук тилкесин түзүү сунуш кылынган эле.
