Улуу Жеңиштин 70 жылдыгын белгилөөгө 14 миллион сом каралган

© Sputnik / Владимир Пирогов / Медиабанкка өтүүУлуу Жеңиш майрамы. Архив.
Улуу Жеңиш майрамы. Архив. - Sputnik Кыргызстан
Жазылуу
Улуу Жеңиштин 70 жылдыгын белгилөө үчүн 9-майда Бишкекте өтө турчу парадка даярдыктар жүрүүдө.

БИШКЕК, 10-фев — Sputnik. Улуу Жеңиштин 70 жылдыгын белгилөө жана ага даярдануу үчүн мындан эки жыл мурун 2013-жылы президенттин буйругу чыккан. Эки жылдан бери даярданып жатабыз, учурда бүт бардыгы бекитилген жана параддык эсеп да даяр. Бул тууралуу Кыргызстандын Башкы штабынын башчысынын орун басары Жаныбек Капаров биздин кабарчыга билдирди.

Ал ошондой эле, Улуу Жеңиштин 70 жылдыгын белгилөөгө 14 миллион сом каралганын, учурда бул каражаттар этап-этабы менен бөлүнүп жатканын кошумчалады.

"Майрамда Улуу Ата Мекендик согушка катышкан ардагерлерге орден даярдап жатабыз. Ошондой эле, 8-мото аткычтар дивизиясынын китеби кыргыз, орус тилдеринде даярдалып жатат", — деди Капаров.

Башкы штабдын башчысынын орун басары 9-майда Москва шаарында боло турчу майрамдык парадка Улуттук Гвардиянын 75 жоокери Кыргызстандын атынан катышаарын белгиледи.

Жаңылыктар түрмөгү
0