Кыргызстан ББ аймагы боюнча баңги заттарын алып өтүү тартиби жөнүндө макулдашууга кошулду

© Sputnik / Олег Золото / Медиабанкка өтүүАрхив: баңги затты жок кылуу
Архив: баңги затты жок кылуу - Sputnik Кыргызстан
Жазылуу
Алмазбек Атамбаев Бажы биримдигинин бажы аймагы боюнча баңги каражаттарды, психотроптук заттарды жана алардын прекурсорлорун алып өтүү тартиби жөнүндө макулдашууга Кыргызстандын кошулуусу жөнүндө мыйзамга кол койду.

БИШКЕК, 20-янв — Sputnik. Президент Алмазбек Атамбаев "2013-жылдын 24-октябрында Минск шаарында кол коюлган Бажы бирлигинин бажы аймагы боюнча баңги каражаттарды, психотроптук заттарды жана алардын прекурсорлорун алып өтүү тартиби жөнүндө макулдашууга Кыргыз Республикасынын кошулуусу жөнүндө" КР мыйзамына кол койду. Бул тууралуу президенттин аппаратынын маалымат кызматы билдирди.

Уничтожение наркотиков в Нижегородской области - Sputnik Кыргызстан
Кыргызстанда спайс менен синтетикалык баңгизаттар азыраак таралган
Мыйзам Жогорку Кеңеш тарабынан 2014-жылдын 10-декабрында кабыл алынган.

Мыйзамга ылайык, Кыргызстандын Тышкы иштер министрилигине депозитарий болуп саналган Евразия экономикалык комиссиясына (ЕЭК) кошулуу жөнүндө грамотаны белгиленген тартипте депонирлоо милдети тапшырылды.

Мыйзам расмий жарыяланууга жатат жана Евразия экономикалык биримдиги жөнүндө келишимге Кыргызстандын кошулуусу жөнүндө келишим күчүнө кирген күндөн тартып күчүнө кирет.

Жаңылыктар түрмөгү
0