БИШКЕК, 24-ноя. — Sputnik. Террорчулар Египеттин Түндүк Синай провинциясындагы мечитте жума намаз окулуп жаткан маалда жардыруу кылып, ок чыгарышты. Бул тууралуу ВВС маалымдады.
26 Тогуздун айы 2017, 17:57
Жардыруу жана кол салуунун кесепетинен бери дегенде 155 адам каза тапканын Египеттин мамлекеттик телесине шилтеме берип Рейтер агенттиги жазды. Дагы 120дай адам жаракат алганы айтылууда.
Жардыруу Синайдын административдик борбору Эль-Ариш шаарынан 40 чакырым алыс жерде болду. Террорчулар алгач бомба жардырып, андан соң өткөн-кеткендерге ок чыгарган.
"Ассошиэйтед пресс" агенттигинин маалыматына караганда, кол салган адамдар төрт жолтандабаста келишкен. Егитеп бийлиги учурда аларды издеп жатат.
Ушул тапта бир дагы террордук топ бул окуя боюнча жоопкерчиликти өз мойнуна ала элек.
Акыркы жылдары Египетте жихадчылардын чабуулу күч алып баратат. Өзгөчө 2013-жылы куралдуу күчтөр президент Мохаммед Мурсинин бийлигин кулаткандан кийин теракттардын саны өстү.
