БИШКЕК, 2-авг. — Sputnik. Мексикада CNR телеканалынын оператору Лучано Ривера киши колдуу болду. Аны Төмөнкү Калифорния штатындагы Росарито шаарынан атып кетишкен. Бул тууралуу муниципалдык коопсуздук боюнча коомдук башкармалыгына таянуу менен РИА Новости агенттиги жазып чыкты.
Тергөөнүн алдын ала маалыматына ылайык, Ривера дүйшөмбүгө караган түнү жергиликтүү барлардын биринде эс алып жаткандар менен урушуп кеткен. Ок чыгарган кылмышкерлер окуя болгон жерден такси менен качышкан. Учурда таксинин айдоочусу менен шектүүлөр кармалды. Аларды тинтүү учурунда курал-жарактар табылган.
Мексиканын журналисттер коомунун маалыматы боюнча 2000-жылдан бери 120 журналист өлтүрүлүп, 20сы дайынсыз жоголгон. Андан сырткары, 50 жолу кол салуу катталган.
