БИШКЕК, 30-июн. — Sputnik. "Реал Мадрид" футбол клубунун чабуулчусу Криштиану Роналду өзүнүн Instagram баракчасына жаңы төрөлгөн эгиз балдарынын сүрөтүн жарыялады.
"Жашоомдогу эки жаңы сүйүүмдү колума кармап турганыма абдан бактылуумун", — деп жазды футболчу.
17 Кулжа 2017, 11:05
Мурдараак ЖМКлар Роналду жакында карын энеден эгиз балалуу болорун жазышкан. Ал эми спортчу өзү эгиз балдар анын Мадриддин четиндеги үйүндө жашай турганын жакындарына айткан.
"Реалдын" чабуулчусу буга чейин 2010-жылы төрөлгөн уулун тарбиялап келген. Ал дагы карын энеден төрөлгөн.
Учурда 32 жаштагы спортчу Жорджина Родригес аттуу модель менен мамиледе. Ага чейин 2010-15-жылдары дагы бир модель Ирина Шейк менен кыз-жигит болуп жүргөн.
