БИШКЕК, 17-июн. — Sputnik. Туланын "Арсенал" футболдук клубу атактуу футболчу Криштиану Роналдуну өзүнүн катарына чакырып, асмандаган акча убада кылбаса да ысык чай, таттуулар менен сыйлаарын билдирген. Бул туурасында Twitter баракчасындагы клубдун расмий аккаунтуна маалымат жайгаштырылган.
@Cristiano,мы ждём тебя в Туле. Денег на твой трансфер нет, зато есть вкусный чай из самовара, сладкие пряники и филимоновские игрушки! pic.twitter.com/nlLvjUisXD
— ПФК Арсенал (@pfc_arsenal) 16 июня 2017 г.
"Криштиану, сени чыдамсыздык менен күтөбүз. Бере турган асмандаган акчабыз жок, анткени менен самоордо кайнаган чайыбыз, таттууларыбыз жана өз колубуздан чыккан филимон оюнчуктарыбыз бар", — деп жазылган.
Буга чейин бир катар маалымат каражаттары 32 жаштагы атактуу футболчу Испаниянын "Реал Мадридинен" кетээрин жазды. Анын себебин Роналду салык чырына байланыштырып, бул жагдай ага жагымсыз экендигин айткан.
