"Манас Ордого" 300 боз үй тигилди. Көчмөндөр оюндарынан кызыктуу кадрлар

Жазылуу
Улуттук көчмөндөр оюндары эң эле кызыгына келип калган учуру. Ат оюндары жаңы курулган ипподромдо, маданий иш-чаралар "Манас ордо" комплексинде өтүп жатат.

Бул жерге 300гө чукул боз үй тигилип, этношаарчага айланды. Өлкөнүн жети облусу жана Бишкек, Ош шаарлары жетиден боз үй тигип, өз ордосун курган. Ар дубандын өнөрпоздору театрлаштырылган шоу программаларды коюп, кыргыздын салт-санаа, үрп адаттарын сахналаштырып көрсөтүүдө. Мындан сырткары, коомдук уюмдар да боз үй тигип, оюн-зоокторду тартуулап жатат.

Бүгүн Талас облусунда Улуттук көчмөндөр оюндарынын маданий бөлүгү старт алды - Sputnik Кыргызстан
Ар бир облус каада-салт менен өнөрүн көрсөтүүдө. Таластан алынган сүрөттөр
Ошондой эле этнобазар ачылып, кол өнөрчү, усталар жасаган эмгектерин келген конокторго сатууда. Ал базардан өзгөчө чеберчилик менен жасалган комуз, жаа, камчы жана ээр сыяктуу буюм-тайымдарды кезиктирүүгө болот.

Мисалы, Жалал-Абаддан келген Таштанбек Сооронбаев комуз, кыл кыяк жана казак домбрасын бириктирип үч тараптуу аспапты жасаган. Ошону менен бирге эле комуз менен домбраны бириктирип кош аспап кылып даярдаган. Муну менен ал кыргыз-казак эли канатташ бир тууган эл экенин көрсөтүүгө ниет кылганын айтат.

Улуттук көчмөндөр оюндары 16-сентябрда башталган, иш-чара эртең, 21-сентябрда, жыйынтыкталат. Жабылыш аземге арналган салтанатка президент Сооронбай Жээнбеков катышаары күтүлүүдө.

Белгилей кетсек, IV Дүйнөлүк көчмөндөр оюндары 2020-жылы Түркияда болот. Кыргызстан буга чейин үч жолу катары менен өткөргөн.

Кызыктуу жана маанилүү жаңылыктарды алгачкылардан болуп билгиңиз келеби?
Биздин Telegram-каналга жазылыңыз.
Виджет news
Жаңылыктар түрмөгү
0