Адамдардан чочубаптыр! Ала-Арчада жайылып жүргөн кийиктердин видеосу

Жазылуу
Ала-Арча капчыгайынын төрүнөн көргөн 30га жакын кийиктин адамдан чочулабай бейкапар оттоп жүргөнүнө таң калгандыгын Sputnik Кыргызстан маалымат агенттигине Бишкектин тургуну Бакай Акылбеков айтып берди.

Видеодон тоо эчкилерди, тоо текелердин бири-бири менен сүзүшүп, жайыла оттоп жүргөнүн көрүүгө болот.

"28-апрелде, жекшемби күнү, Ала-Арча капчыгайынын төрүнө граждандык активисттер менен жаратылышка, эс алууга чыкканбыз. Автоунаа жүрө ала турган жерге чейин жетип, андан ары тоо таяна жөө чыктык. Анча-мынча кар жаткан. Көтөрүлө бергенде жайылып жүргөн 30га чукул кийик, кулжаларды көрдүк. Алардын адамдар жашаган жерге жакын, ээн-эркин жүргөнүнө абдан кубандык", — деди Акылбеков.

Ал жапайы жаныбарларды чочутпаш үчүн жакын барбастан, бир топко чейин кызыгып карап турушкандыктарын айтып берди.

Жаңылыктар түрмөгү
0