Бажычыга карата 27-майда Кылмыш жаза кодексинин 304-беренеси (кызмат абалынан кыянаттык менен пайдаланалуу) боюнча айып тагылып, Биринчи Май райондук соту тарабынан тергөө аяктаганга чейин камакка алынган.
Маалыматта Айбашев Борбордук бажыны жетектеп турганда "А." ЖЧКсы менен жең ичинен сүйлөшүп Кытайдан келген товарларга мыйзамсыз бажы каттоолорун жүргүзүүгө жол ачып берген.
"2015-жылы 20-августта аталган ишкана Айбашев жана U.Q.I.T.C.L компаниясы менен Кытайда терини кайрадан иштетип чыгуу, бут кийим, кийим-кече чыгаруу боюнча келишим түзгөн. Бажычынын көмөгү менен бир топ мыйзамсыз иштер жасалып турган. Тасмада көрсөтүлгөн үйдө тинтүү жүргүзүлдү", — деп айтылат маалыматта.
Натыйжада Нурбек Айбашев Борбордук бажыда иштеп турган маалында бажы төлөмдөрүнөн 166 миллион сомдон ашык каражат казынадан кыйгап өтүп, мамлекетке зыян келтирилгени аныкталган.
