09:37 13 Бештин айы 2017
Түз эфир
Видео

Оштон чыккан "Витас": Кыргызстанды дүйнөгө тааныткым келет

Кыскача шилтеме алуу
Зульфия Тургунова
198100
© Видео / Зульфия Тургунова

Ош шаарындагы орто мектепте билим алган 13 жаштагы Шамил Кыязов россиялык аткаруучу Витастын ырын андан кем калбай аткаргандыгы үчүн "Оштук Витас" атка конгон.

Таланттуу өспүрүм 11-12-июль күндөрү Белоруссиянын Витебск шаарында өткөн "Славянский базар" аттуу музыкалык сынакка Кыргызстандын атынан катышып, дипломго ээ болуп кайтты.

"Белоруссияда өткөн сынакка катышар алдында абдан толкундандым. Бирок сынактан кийин өзүмө болгон бекем ишеним пайда болду. Эми башка сынактарга дагы катышууну көксөп жатам. Негизги максатым Витас сыяктуу дүйнөгө таанымал ырчылардан болуп, Кыргызстандын атын чыгаруу", — деди Кыязов.

Анын айтымында, аталган сынактан ага Латвиянын Рига шаарында өтө турган балдар сынагына жолдомо берилген.

Жаш таланттын апасы Атыргүл Кочкорованын айтымында, алардын үй-бүлөсү ыр-күүгө жакын адамдар.

"Менин ата-энем ырга жакын. Мен дагы аларды тартып, мектептеги кезде ырдачумун. Бирок турмуш шарттын айынан ырчылык талантымды андан ары өнүктүрүүгө мүмкүнчүлүк болгон жок. Шамилдин атасы Бакыт Келдибаев да музыка дүйнөсүнө жакын. Талантыбыз уулубузга өткөнүнө абдан кубанып жатабыз", — деди Кочкорова.

Ал учурда баласына чет мамлекеттерден көптөгөн сынактарга чакыруулар келип жатканын билдирип, бирок каражаттын айынан баласын жөнөтүүгө мүмкүнчүлүк болбой жатканын кошумчалады.

Атыргүл Кочкорова үй кожойкеси, ал эми жолдошу Россияда мигрант катары эмгектенип келет.

Тема боюнча

Президенттерди суктанткан комузчу Чолпон: бир видео менен "жылдыз" болгон жокмун
Баракелде! Витастан кем калбай ырдаган кыргызстандык жеткинчектин видеосу
Белгилер:
талант, ырчы, Ош
Колдонуу эрежелериПикирлер

Дагы видео

ЭҢ МААНИЛҮҮ