19:13 03 Теке 2020
Түз эфир
  • USD77.1102
  • EUR86.6140
  • RUB1.0938
Видео

Жалал-Абадда 6-класстын окуучусу чөп оруучу трактордун жаңы моделин ойлоп тапты

Кыскача шилтеме алуу
159030
© Видео / Талгат Бакиев

Жалал-Абадда ачылган "Илим, техника жана өндүрүш" жумалыгында 6-класстын окуучусу Белек Гапаров өзү иштеп чыккан чөп оруучу трактордун моделин эл сынагына алып чыкты.

Гапаров учурда 6-класста окугандыктан физика сабагын окуй элек. Бирок кичине кезинен техника илимине катуу кызыккандыктан, өз алдынча Омдун мыйзамын өздөштүрүп алып, сынакка өзү ойлоп тапкан чөп чабуучу трактордун жаңы моделин алып чыкты.

"Мен "Алга" деп аталган чөп оруучу трактордун моделин иштеп чыктым. Ал үчүн үйдөгү иштен чыккан DVDнин тетиктерин колдондум. Кичинекей кезимде жайытта чөп чаап жаткандарды карап туруп, ушул чөптү чаба турган машинаны өзүм жасап чыгам деп ойлочумун. Ошол тилегим ишке ашат деп ишенем", — деди окуучу.

Жаш конструкторлор. Архивдик сүрөт
© Sputnik / Табылды Кадырбеков
Качан гана жаш муун илимге умутулуп, техника тармагын алдыга жылдыра алганда өлкө өнүгүү жолуна түшөт деген пикирин Кыргыз улуттук илимдер академиясынын Түштүк аймактык илим изилдөө институтунун директору Бекмолдо Чотонов билдирди.

"Мектеп курагындагы бала өзүнүн келечекте ким болорун билбей турган чагы да. Демек, биз дал ушундай ийримдер, жумалыктар аркылуу аларга багыт беришибиз керек. Анткени булактын көзүн тазалап койсоң, суу жакшы агып калат эмеспи. Бул жерде деле ошондой көрүнүш. Бала келечекте өз ордун табуусу үчүн чоңдор аларга багыт бериши зарыл", — деди Чотонов.

Аталган жумалыктын алкагында өткөн сынакка 100дөн ашуун окуучу өзүнүн ойлоп тапкан буюмдарын көрсөтүштү.

Тема боюнча

"Мыкты инновациялык долбоор - 2017" сынагы башталды
Оюнчуктардан робот жасаган мектеп окуучусу Тунук Омушев
Белгилер:
окуучу, ойлоп табуу, трактор, сынак, Жалал-Абад

Дагы видео

ЭҢ МААНИЛҮҮ