01:20 17 Аяк оона 2021
Түз эфир
  • USD84.7960
  • EUR99.8176
  • RUB1.1707
Спорт
Кыскача шилтеме алуу
2021-жылы Токиодо өтө турган Олимпиада оюндары (248)
1513 0 0

Мээрим Жуманазарова чейрек финалдык этапта жеңилүү ызасын тарткан. Аны утуп алган спортчу финалга чыгып, кыргызстандык балбан кыз коло байге үчүн ат салышууга укук алган.

БИШКЕК, 3-авг. — Sputnik. Кыргызстандык 22 жаштагы спортчу Мээрим Жуманазарова Олимпиада-2020 мелдешинин коло медалын утту. Байге үчүн таймашта ал монголиялык спортчу Соронзонболдын Батцэцэг менен таймашып, атаандашынын далысын жерге тийгизип таза жеңишти камсыздады.

Мээрим таймаштын башында эле демилгени колго алып, мыкты чабуулдарды жасап, ал ийгиликтүү болду.

Муну менен Олимпиада-2020да кыргыз спортчулары экинчи медалды өлкөсүнө алып берди. Жуманазарова кыргызстандык спортчу кыздардын ичинен биринчи ирет олимпиада медалын алды. 

Жуманазарова баштапкы этапта болгариялык Мими Николова Христова менен кез келип, 7:5 эсебинде утуп алган болчу. Чейрек финалда нигериялык Блессинг Оборудудуга 3:2 эсебинде жеңишти алдырган. Бирок нигериялык кыз финалга чыгып, Жуманазарова коло байге үчүн ат салышууга мүмкүнчүлүк алган. Ал эми бүгүн эртең менен спортчу көңүл жубатуучу таймашта азербайжан кызы Элиз Манолованы 4:1 эсебинде утуп алды.

Мээрим Жуманазарованын бул олжосу Кыргызстандын эгемен тарыхындагы үчүнчү коло байге болду. Буга чейин грек-рим күрөшүнүн балбаны Руслан Түмөнбаев, эркин күрөшчү Базар Базаргуруев 2008-жылкы Пекин Олимпиадасынын коло медалын тагынышкан.

Кыргызстандан Токио шаарында XXXII жайкы Олимпиадага 16 спортчу аттанган. 23-июлда башталган олимп оюндары 8-августта аяктайт. Азырынча Кыргызстандын байге капчыгында күрөш боюнча алган бир күмүш жана бир коло медалы бар. Күмүш байгени өлкөсүнө https://sputnik.kg/news/20210803/1053420481/akzhol-makhmudov-olimpiada-final-kumush-bayge.html Акжол Махмудов алып келди. 

 

 

Тема:
2021-жылы Токиодо өтө турган Олимпиада оюндары (248)

Тема боюнча

Атабек Азисбековго коло медаль үчүн күрөшүүгө мүмкүнчүлүк жаралды
Алтынга бир кадам! Айсулуу Тыныбекованын финалдагы каршылашынын таржымалы
Белгилер:
Мээрим Жуманазарова, Олимпиада-2020, коло, байге

ЭҢ МААНИЛҮҮ