Бишкекте өтө турган түнкү марафондун программасы жарыяланды

© Sputnik / Табылды КадырбековБишкектеги түнкү марафондун катышуучулары. Архив
Бишкектеги түнкү марафондун катышуучулары. Архив - Sputnik Кыргызстан, 1920, 16.06.2021
Жазылуу
Быйыл Toyboss Night Run 2021 жарышы 19-июнь күнү болот. Бул жолу ага эки миңдей катышуучу келери күтүлүүдө. Жарыш Чокон Валиханов көчөсү менен Чүй проспектинин бир бөлүгүндө өтөт.
БИШКЕК, 16-июн. — Sputnik. Бишкекте 19-июнь күнү өтүүчү Toyboss Night Run 2021 түнкү марафону бардык санитардык эрежелерди сактоо менен өткөрүлөт. Бул тууралуу уюштуруу тобунан кабарлашты.
© Фото / пресс-служба ОО "Nomad Sport"Бишкекте 19-июнь күнү өтүүчү Toyboss Night Run 2021 түнкү марафону бардык санитардык эрежелерди сактоо менен өткөрүлөт
Карта ночного забега Toyboss Night Run 2021 - Sputnik Кыргызстан, 1920, 16.12.2021
Бишкекте 19-июнь күнү өтүүчү Toyboss Night Run 2021 түнкү марафону бардык санитардык эрежелерди сактоо менен өткөрүлөт
Маалыматка караганда, катышуучулардын ар бири бет кап тагынып, социалдык аралыкты сакташы керек.
"Ошондой эле катышуучулар старттан маал-маалы менен кетирилет. Кийин ар биринин жыйынтыгы My laps чип-системасы аркылуу индивидуалдуу түрдө эсептелет", — деп айтылат билдирүүдө.
Эске салсак, акыркы күндөрү өлкө аймагында коронавируска байланыштуу эпидемиологиялык абал курчуп турат. Күн сайын вирус жугузгандардын саны 500дүн тегерегинде болууда.
Мындан тышкары, уюштуруучулар марафондун программасын жарыялады:
  • 19:00 — катышуучулар чогула баштайт;
  • 20:00 — иш-чаранын ачылышы;
  • 20:25 — катышуучулар үчүн брифинг;
  • 20:45 — денени жибитүү;
  • 21:00 — старттын башталышы;
  • 22:30 — сыйлык тапшыруу аземинин башталышы;
  • 00:00 —иш-чаранын жабылышы.
Быйыл Toyboss Night Run 2021 жарышы 19-июнь күнү болот. Аны Nomad Sport коомдук бирикмеси уюштурууда. Баш калаада жарыш үчүнчү ирет өткөнү жатат. Бул жолу ага эки миңдей катышуучу келери күтүлүүдө. Жарыш Чокон Валиханов көчөсү менен Чүй проспектинин бир бөлүгүндө өтөт.
Жаңылыктар түрмөгү
0