КР футбол командасынын дүйнө чемпионатына тандоо оюндары жайында Японияда өтөт

© Sputnik / Табылды КадырбековДүйнө чемпионатынын тайпалык этабы. Кыргызстан - Тажикстан. Архив
Дүйнө чемпионатынын тайпалык этабы. Кыргызстан - Тажикстан. Архив - Sputnik Кыргызстан, 1920, 12.03.2021
Жазылуу
Улуттук команда акыркы жолу расмий беттешин 2019-жылдын күзүндө ойногон. 2022-жылы өтчү Дүйнө жана 2023-жылы боло турган Азия кубогу мелдештерине тандоо оюндарынын айрымдары пандемияга байланыштуу кийинкиге калган.
БИШКЕК, 12-мар. — Sputnik. 2022-жылы Катар өлкөсүндө өтүүчү футбол боюнча дүйнө чемпионатына тандоо оюндарынын калганы борборлоштурулган форматта Японияда өтөт. Бул тууралуу Кыргызстандын футболдук союзу (КФС) билдирди.
ФИФАнын калысы, Кыргыз футбол союзунун юридикалык бөлүмүнүн начальниги Нурдин Букуев - Sputnik Кыргызстан, 1920, 07.03.2021
Радио
Букуев: дүйнө чемпионатына чыгуу боюнча стратегиялык планыбыз бар
Кыргызстан командасы ойногон "F" тайпасынын калган беттештери 31-майдан 15-июнга чейин Японияда өтөт. Улуттук курама команданын өз талаасында Монголия, конокто Мьянма жана Япония менен оюндары калган болчу.
Борборлоштурулган форматта өтүүчү оюндардын расписаниеси:
  • Кыргызстан — Монголия (7 июнь, дүйшөмбү);
  • Мьянма — Кыргызстан (11-июнь, жума);
  • Япония — Кыргызстан (15-июнь, шейшемби).
Улуттук команданын 2022-жылы өтүүчү дүйнө чемпионатына чыгуу мүмкүнчүлүгү өтө эле аз.
Курама команда 2019-жылдын декабрынан бери бир да расмий оюнга чыга элек. Тандоо турундагы жогоруда айтылган беттештер пандемиядан улам кийинкиге калтырылган болчу.
Жаңылыктар түрмөгү
0