15:56 25 Бирдин айы 2020
Түз эфир
  • USD69.8500
  • EUR75.6266
  • RUB1.0863
Спорт
Кыскача шилтеме алуу
1774 0 0

UFC мушкерлер уюмунун эки салмак боюнча мурдагы чемпиону Конор Макгрегор америкалык Дональд Серроне менен беттешти.

Беделдүү UFC 246 турнири Лас-Вегастагы T-Mobile Arena спорттук аянтчасында өтүп жатат. Мушкерлер кеченин башкы беттешинде кызуу кармаш тартуулашмакчы.

Конор соңку беттешинде россиялык Хабиб Нурмагомедовго утулуп, чемпиондук кур тагынбай калган.

Жаңы билдирүү
  • 13:58

    Абсолюттук мушкерлер уюмунун эки салмак категориясы боюнча мурдагы чемпиону Конор Макгрегор америкалык Дональд Серронени утуп кезектеги рекордун койгонун жар салды. Тагыраагы, ал UFC тарыхында 66, 70 жана 77 килограмм салмакта атаандаштарын нокаут менен уткан алгачкы мушкер экендигин белгилеген.

  • 11:48

    Конордун чемпиондук курга кайрадан талапкер болушу мүмкүндүгү жана ага россиялык Хабиб Нурмагомедов, америкалык мушкерлер Тони Фергюсон, Жастин Гэтжи болушу мүмкүн деген пикирлерден улам, архивдик видеону окурмандарга тартуулоону эп көрдүк. 

  • 11:39

    Серронени ай-буйга келтирбей нокаутка кетирген учурдун видеосу

  • 11:37

    Эми Конор чемпиондук курга кайрадан талапкер болушу толук ыктымал. Болжолдуу атаандаштары россиялык Хабиб Нурмагомедов, америкалык мушкерлер Тони Фергюсон жана Жастин Гэтжи болушу мүмкүн.

  • 11:36

    Конор Макрегор 2018-жылы күзүндө россиялык Хабиб Нурмагомедовго утулуп, чемпиондук кур тагынбай калган.

    © REUTERS / USA TODAY Sports / Stephen R. Sylvanie
  • 11:32

    Ошентип, техникалык нокаут менен Конор утту. Беттеш болгону 40 секундага созулду. Ирландиялык спортчу, Хабиб Нурмагомедовдун негизги атаандашы Конор өзүнүн күчтүү жана айлакер спортчу экендигин дагы бир жолу далилдеди. Ал октагонго 1,5 жылдан бери чыга элек болучу.

  • 11:30

    Башталбай жатып... беттеш аяктады....

    Конор Макрегор атаандашы Серронени жеңип алды.

  • 11:29

    Беттеш башталды! Биринчи раунд....

  • 11:29

    Беттешти белгилүү рефери Херб Дин тейлемей болду. Учурда ринг-анонсер мушкерлерди тааныштырып жатат.

  • 11:27

    Спортчулар 77 килограмм салмакта беттешет. Бул категорияда Конор биринчи ирет кармашмакчы.

  • 11:25

    Желек жамынып Конор чыкты!

    Ирландиянын желегин жамынып Конор да октагонго кирди. Ал жашыл түстөгү чолок шым кийген.

  • 11:23

    Чыгып келе жатышат!

    Макгрегордун атаандашы Дональд Серроне октагонго чыкты. Ал дайыма шляпасын баштан түшүрбөгөндүктөн "Ковбой" кайманы аты бар. Бул ирет беттешке көк түстөгү чолок шым кийип чыкты.

  • 11:21

    Эксперттер эмне дейт? Ким жеңиши мүмкүн?

    Эксперттердин айтымында, беттеште фаворит ирландиялык мушкер болуп саналат. Букмекерлер анын жеңип чыгуу мүмкүнчүлүгү жогорку экендигин белгилешкен.

  • 11:18

    Конордун бул беттешке мамилеси өзгөргөнү байкалды. Маселен, Дональд Серроне менен көз караштар таймашын өткөргөндө, мурдагыдай ачуу тили, кыймыл-аракети менен психологиялык басым жасаган жок. Сылык учурашып, сый көрсөттү.

     

  • 11:08

    Конор Макгрегор көп гонорар ала турчу мушкерлердин бири экендиги маалым. Eurosport басылмасы спортчу тапкан акчасын кайда короторун жазып чыккан эле.

    Forbes журналынын маалыматы боюнча, 2018-жылы спортчу 110 миллион доллар тапкан. Анын үч миллионун Хабиб Нурмагомедов менен болгон беттештен кийин алган. Wealthy Gorilla агенттигинин билдиргенине караганда, Макгрегордун 2019-жылдагы кирешеси андан 10 миллионго көп.

     

  • 11:06

    Спортчу кыздар биринчи жолу 2015-жылы октагондо кезигип, анда дагы Холм жеңишин майрамдаган. Бул беттеш күйөрмандардын эсинде бир топко сакталып калган. 

  • 11:05

    Кеченин дагы бир башкы беттешинде америкалык мушкер кыз Холли Холм мекендеши Ракель Пеннингтонду калыстардын чечими менен утуп алды. Мушкерлер 61 килограмм салмакта күч сынашты.

  • 11:03

    Ал арада Конор октагон артында даярданууда. Командасы анын манжаларын бинт менен байлап, далысын укалап жатышат.

Тема боюнча

ЖМКлар Конор Макгрегор миллиондорун кайда короторун жазып чыкты
Учурашып, сыйлап... Макгрегор Серроне менен көз караштар таймашына чыкты. Видео
Конор Макгрегор тизмесиндеги жаңы атаандашы тууралуу айтты
Белгилер:
беттешүү, Дональд Серроне, Конор Макгрегор, Лас-Вегас, UFC

ЭҢ МААНИЛҮҮ