БИШКЕК, 12-май — Sputnik. Америкалык мушкер Роуз Намаюнас UFC 237 турниринин алкагында бразилиялык Жессика Андрадеге нокаут менен утулуп, чемпиондук наамынан ажырады. Мушкерлердин кармашын аталган уюм Instagram баракчасына жүктөдү.
Посмотреть эту публикацию в Instagram
Бүгүн Рио-до-Жанейро (Бразилия) шаарында UFC 237 турнири өттү. Кеченин башкы беттешинде UFC уюмунун 52 килограммдагы чемпиону Роуз Намаюнас Жессика Андраде менен беттешкен. Натыйжада Андраде Намаюнасты экинчи раундда өзгөчө ыкма менен уткан. Алгач аны көтөрүп туруп, башы менен жерге сая жыгып, андан соң сокку узаткан. Рефери беттешти токтотууга аргасыз болгон.
JESSICA ANDRADE WINS VIA... slam? SLAM VS ROSE NAMAJUNAS #UFC237 pic.twitter.com/BnHJbTlxrH
— FiveFives (@fives_five) 12 мая 2019 г.
26 жаштагы Роуз Намаюнас 2017-жылы Жоанна Енджейчикти утуп чемпион болгон. Анда бери жеңиле элек болчу. ММА боюнча 8 беттешти утуп, 4 ирет жеңилген.
Ал эми 27 жаштагы Жессика аралаш мушташ боюнча 20 беттешти утуп, 6 ирет жеңилген.
