БИШКЕК, 12-апр. — Sputnik. Кыргызстандын улуттук курама командасы Эл аралык футбол рейтингинде (FIFA) заматта 40 баскычка жогорулап жаңыланган рейтингде абсолюттук рекорд жаратты.
Курама команда март айында машыктыруучу Александр Крестининдин жетектөөсү менен Мьянма (22-март) жана Индияны (27-март) жеңип, биринчи жолу Азия чемпионатынын финалдык бөлүгүнө чыкты. Мындай көрсөткүч улуттук команданын 115-орундан 75-орунга көтөрүлүүсүнө шарт түзүп, айдын мыкты командасы аталды.
🇰🇬 steal the show after moving ⬆️ 40 positions while Asia's top four remain unchanged! #FIFARanking pic.twitter.com/bnWk1flX0N
— #WAC2018 (@theafcdotcom) 12 апреля 2018 г.
Азия континентиндеги футболчулары арасында Кыргызстандын командасы 7-орунду ээледи. Ал эми КМШ менен Балтика өлкөлөрүнүн ичинен Украина (30) менен Россиянын (66) командаларынан кийин 3-орунга чыкты.
