Шевченко менен Нуньестин мушташын кайсы телеканал, сайттар көрсөтөт? Тизме

© REUTERS / Mark J. RebilasБой Валентины Шевченко с Амандой Нуньес
Бой Валентины Шевченко с Амандой Нуньес - Sputnik Кыргызстан
Жазылуу
UFC турнириндеги Шевченко менен Нуньестин бүйүр кызыткан беттеши качан, кайда жана канчада болоору тууралуу кененирээк Sputnik Кыргызстан агенттиги даярдаган материалдан окуңуз.

БИШКЕК, 8-июл. — Sputnik. АКШда өтө турган UFC 213 мелдешинин алкагындагы бразилиялык Аманда Нуньес менен кыргызстандык Валентина Шевченконун реванштык таймашын чыдамсыздык менен күткөндөр көп.

Мындан улам Sputnik агенттиги UFC 213 турнириндеги бүйүр кызыткан мушташты кайсы телеканал жана сайттар түз алып көрсөтөөрүн билип көрдү.

Бишкек убактысы боюнча турнир канчада башталат?

Боец смешанных единоборств Валентина Шевченко - Sputnik Кыргызстан
“Мен үчүн аябай өкүнүчтүү!” Шевченко Нуньес менен эмнеге беттешпей калганын айтты
Беттеш АКШнын Невада штатындагы Лас-Вегас шаарында T-Mobile аренасында өтөт. Турнир ишемби күнү кечинде уюштурулат. Бирок, АКШ менен Кыргызстандын ортосундагы 13 сааттык айырмага байланыштуу кыргызстандыктар беттешти жекшемби күнү көрө алмакчы.

Күн тартибине ылайык, UFC 213 турнириндеги рейтингдик беттештер Бишкек убактысы боюнча жекшемби күнү таңкы саат 4:00дө башталат. Ал эми Нуньес менен Шевченконун таймашы салт боюнча турнирдин соңуна каралган.

Мындан улам кыргызстандык жана бразилиялык мушкерлердин кызыктырган мушташын Бишкек убактысы боюнча 9:00дөн кийин көрсөңүздөр болот. Эскерте кетсек, турнирде башка беттештер узакка созула турган болсо, мушкер кыздардын таймашын бир аз убактысынан кечирээк көрүп калышыңыздар ыктымал.

Мушташты кайсы телеканал, сайттардан көрсө болот?

Кыргызстанская тайбоксер Валентина Шевченко - Sputnik Кыргызстан
UFC: Валентина Шевченко менен Аманда Нуньестин машыккан видеосу жарыяланды
Көпчүлүк кыргызстандыктар беттешти онлайн-режимде же спутник каналдары аркылуу көрө алышат.

Спорт порталдарынын көбү жана YouTube каналдары турнирди акча төлөтүп же атайын каттоого тургузуп анан көрсөтөт.

Буга байланыштуу биз мелдешти акысыз жана эч кандай каттоосу жок эле көрүүгө мүмкүн болгон онлайн-канал жана сайттарды тизмектедик.

UFC турниринин ВКонтакте социалдык тармагындагы расмий тобу

Rumma.tv каналы 

— Rostrek.com спорт порталы

— Core ММА боюнча портал

— Cageside.ru жаңылыктар сайты

Ал эми спутник каналдарынан спорттук иш-чараны Россиянын Россия 2 жана МатчТВ каналдары чагылдырат. Ошондой эле Fox Sports америкалык телеканал да турнирди түз алып көрсөтөт.

Жаңылыктар түрмөгү
0