Кыргызстандык балбан Шырдаков Азия чемпионатында коло байгелүү болду

Жазылуу
Шырдаковдон утулуп калган балбан Лондондо өткөн Олимпиададан коло байге менен кайткан.

БИШКЕК, 11-май — Sputnik. Азия чемпионатында кыргызстандык балбан Самат Шырдаков грек-рим күрөшүнөн коло байгеге ээ болду. Беттешүү тартылган видео Бириккен күрөш дүйнөсүнүн расмий сайтына жарыяланды.

Мелдеш Индиянын борбору Нью-Делиде өтүп жатат.

Греко-римская борьба. Чемпионат России. Второй день - Sputnik Кыргызстан
Аттиң ай...даңазалуу балбан Раатбек Санатбаев тирүү болгондо 48 жашка чыкмак!
Самат Шырдаков 80 килограммдык салмак категориясы боюнча чыгып, биринчи айлампада ирандык балбан Рамин Солтанморад Тахерисартанга 8:0 эсеби менен утулуп калган. Бирок ага карабай коло медаль үчүн күч сынашууга мүмкүнчүлүгүн сактап калган. Анда 2012-жылдагы Лондон олимпиадасынан коло байгени багындырган казакстандык Даниял Гаджиев менен бет келген. Мелдештин жыйынтыгы тең чыгып, калыстар жеңишти кыргызстандык спортчуга ыйгарып берли. Ал эми күмүш медалды кореялык, баш байгени Шырдаков жеңилип калган ирандык балбан утуп кеткен.

Бүгүн дагы Калы Сулайманов (59 кг), Нургазы Асангулов (71 кг) жана Аскат Бейшебеков (85 кг) беттешүүгө чыгат.

Белгилей кетсек, Индиядагы Азия чемпионатында Кыргызстандын атынан 18 балбан катышууда.

Алардын арасында Айсулуу Тыныбекова да бар.

Жаңылыктар түрмөгү
0