08:31 05 Бештин айы 2020
Түз эфир
  • USD84.8000
  • EUR103.1253
  • RUB1.1420
Коом
Кыскача шилтеме алуу
Коронавируска байланыштуу Кыргызстандагы кырдаал (2432)
64 0 0

Министр Алымкадыр Бейшеналиев эл аралык уюмдун колдоосу үчүн ыраазычылык билдирди. Өз кезегинде ДССУ өкүлү Кыргызстанга көмөктөшүүгө ар дайым даяр экенин белгилеген.

БИШКЕК, 31-окт. — Sputnik. Бүткүл дүйнөлүк саламаттык сактоо уюму Кыргызстанга COVID-19 инфекциясы менен күрөшүүгө кезектеги гуманитардык жардамын берет. Бул тууралуу өлкөнүн Саламаттык сактоо министрлиги кабарлады.

Министр Алымкадыр Бейшеналиев Стамбул шаарында өтүп жаткан Түрк кеңешинин саламаттык сактоо боюнча илимий кеңешинин жыйынынын алкагында ДССУнун регионалдык бюросунун башчысы Ханс Клюге менен жолуккан.

Жардам суралды. Руслан Казакбаев Казакстандын премьер-министри менен жолукту

Анда министр коронавирус инфекциясы менен күрөшүү боюнча иш-чаралар тууралуу айтып берген. Ошондой эле саламаттык сактоо тармагына кошумча гуманитардык жана техникалык жардам берүү маселелери талкууланган.

"Кыргызстанга жакынкы убакта кардиомониторлор, өзгөчө абал болуп кеткен учурда жаракаттарды дарылаган топтомдор, хирургиялык маскалар, кол каптар, жеке коргонуу каражаттары, коронавирустук инфекцияны аныктоого керектелген материалдар жана башка гуманитардык жардамдын партиясы жөнөтүлөт. Жүк 10 күндүн ичинде Кыргызстанда болот", — деген Клюге.

Алымкадыр Бейшеналиев ДССУнун колдоосу үчүн ыраазычылык билдирген. Өз кезегинде Ханс Клюге эл аралык уюм Кыргызстанга көмөктөшүүгө ар дайым даяр экенин белгилеген.

Тема:
Коронавируска байланыштуу Кыргызстандагы кырдаал (2432)

Тема боюнча

Өкмөт Россиядан COVID-19га каршы вакцинаны алып келүү шартын караштырууда
Белгилер:
жардам, коронавирус, Дүйнөлүк саламаттыкты сактоо уюму, Кыргызстан

ЭҢ МААНИЛҮҮ