Вице-премьер Мамытканов: Кашкар Жунушалиев Кыргызстанда

© Фото / пресс-служба правительства / Алишер АлиевМурдагы ички иштер министри Кашкар Жунушалиев
Мурдагы ички иштер министри Кашкар Жунушалиев - Sputnik Кыргызстан
Жазылуу
Буга чейин Курсан Асанов ички иштер министринин орун басарларынын айтымына таянып, Жунушалиев 5-октябрдагы митинг учурунда Ак үйгө таш ыргытыла баштаганда  качып кеткенин билдирген.

БИШКЕК, 21-окт.— Sputnik. Мурдагы ички иштер министри Кашкар Жунушалиев Кыргызстанда. Бул тууралуу вице-премьер Максат Мамытканов Sputnik Кыргызстан агенттигинин мультимедиалык маалымат борборунда өткөн онлайн-брифингде айтты.

"Кашкар Жунушалиев кайда экенин так билбейм. Бирок ал Кыргызстандан эч кайда кетпегени тууралуу маалыматым бар", — деди Мамытканов.

Буга чейин Курсан Асанов ички иштер министринин орун басарларынын айтымына таянып, Жунушалиев 5-октябрдагы митинг учурунда "Ала-Тоо" аянтында болгонун, бирок Ак үйгө таш ыргытыла баштаганда ал жактан качып кеткенин билдирген.

Азыркы тапта ИИМди Улан Ниязбеков башкарып жатат.

Жапаров ИИМ министри Ниязбеков менен коомдук коопсуздукту талкуулады

Белгилей кетсек, премьер-министр Садыр Жапаров өкмөттүн курамын сунуштап, анда  Мамытканов вице-премьер болуп көрсөтүлгөн.

Жаңылыктар түрмөгү
0