Бүгүн саат 11лерде "Ала-Тоо" аянтына чогулган эл 16 сааттан кийин Ак үйдү камалап барып алып, жетинчи кабатка чейин чыгып кетишти.
Кыргызстандагы нааразылык Жогорку Кеңешке болгон шайлоонун жыйынтыгына партиялардын нааразы болгондугунан улам келип чыккан.
Өкмөттүн Нарын, Талас, Ысык-Көл облусундагы ыйгарым укуктуу өкүлдөрү Эмилбек Алымкулов, Марат Мураталиев жана Балбак Түлөбаев кызматын тапшырышты.
Таласта 200дөн ашуун адам акцияга чыгып, шайлоо таза өтпөгөнүнө нааразы болушкан. Облус башчысы Марат Мураталиев кызматын тапшырып, эл менен бирге экенин жар салган.
Ошондой эле социалдык тармакка Нарындын жетекчиси Эмилбек Алымкулов кызматынан өз каалоосу менен кетүү боюнча жазган арызынын сүрөтү тарады.
Мындан сырткары, Facebook баракчасы аркылуу өкмөттүн Ысык-Көлдөгү өкүлү Балбак Түлөбаев иштен кеткенин билдирип, арызын көрсөттү.
Президенттин бир тууган иниси Асылбек Жээнбеков сүйлөп, кечээ Бишкекте митингчилердин Ак үйдү басып алышын сындады.
Бирок экинчи тарапка бөлүнгөн жарандар "таза шайлоо өткөн жок" деген пикирин билдирип турат.
Президент Сооронбай Жээнбеков учурда Бишкекте жүрөт. Бул туурасында мамлекет башчынын маалымат катчысы Толгонай Стамалиева билдирди.
Жээнбеков саясий күчтөрдү Кыргызстандын жана анда жашаган жарандар үчүн акыл-эстүүлүк кылууга чакырып жатат деп айтышты.
Жогорку Кеңештин мурунку депутаты Равшан Жээнбековдун абактан чыгаргандыгын анын уулу Азат Равшан социалдык тармактагы баракчасына жазды.
Митингчилер Молдовановкадагы колониядан мурдагы премьер-министр Сапар Исаковду чыгарып Бишкекке алып келишкен.
Сапар Исаков на свободе!
Опубликовано Gulnura Toralieva Понедельник, 5 октября 2020 г.
Учурда Ак үй өрттөнүп жатат. Бул тууралуу Sputnik Кыргызстан агенттигинин кабарчысы кабарлады. Сүрөттө көрүнүп тургандай, өрт Жогорку Кеңештин имаратынын үстүнкү кабатынан чыккан.
Бүгүн, 6-октябрда таңкы алтылар чамасында тарапташтары саясатчы Садыр Жапаров да эркиндикке чыкты, тарапташтары аны Бишкек шаарындагы "Ала-Тоо" аянтына алып келишти. Ал аны кыйкырып, кубаттап тосуп алышты.
УКМКда жүргөн кабарчыбыз учурда эл мурдагы президент Алмазбек Атамбаевди чыгарууну талап кылгандыгын билдирди.
