20:47 27 Аяк оона 2020
Түз эфир
  • USD79.4998
  • EUR92.6530
  • RUB1.0349
Коом
Кыскача шилтеме алуу
400 0 0

Коронавирстун жайылышын алдын алган жок деп кызматтан алынган Саламаттык сактоо министрлигинин мурдагы башчысы Космосбек Чолпонбаев бүгүн Финполиция тарабынан кармалды.

БИШКЕК, 15-сен. — Sputnik. Мурдагы саламаттык сактоо министри Космосбек Чолпонбаев жана Саламаттык сактоо министрлигинин жооптуу адамдары мамлекеттик бюджетке 9 миллион сомго жакын зыян келтиргени маалымдалды.

Бүгүн, 15-сентябрда, Экономикалык кылмыштарга каршы күрөшүү кызматы Чолпонбаевди кызмат абалынан кыянаттык менен пайдаланган деп кармады. Ушул жана шалаакылык беренеси боюнча Саламаттык сактоо министрлигинин жетекчилик кызматтагы өкүлдөрү дагы шектелип жатат.

Сын менен кеткен

Космосбек Чолпонбаев 2018-жылы 20-апрелде саламаттык сактоо министри болуп дайындалган. Быйыл коронавирустун алдын алуу иштерин чабал аткарганы үчүн президент Сооронбай Жээнбековдон тил угуп, 1-апрелде кызматтан алынган. Ага чейин президент Сооробай Жээнбеков 31-марттагы Коопсуздук кеңешинин жыйынында Чолпонбаевге нааразычылыгын билдирген. Мамлекет башчы өлкөдө коронавирус жуктургандардын санынын өсүшү алдын алуу иштеринин чабал жүрүп жатканын айгинелеп койгонун баса белгилеген. Ошондой эле Республикалык штаб жана Саламаттык сактоо министрлиги илдеттин жайылышын шарттап, жугузуп алгандар менен байланышта болгон адамдардын тобун өз маалында аныктабагандыгын сынга алган.

Мындан сырткары, Жогорку Кеңештин депутаты Каныбек Иманалиев Чолпонбаевди жоопкерчиликке тартууну сунуштаган.

Баткен облусунун башчысынын уулу Москвадан кармалды. Окуянын чоо-жайы

Суракка чакырылган

Экс-министр ушул жылдын 9-июлунда Финполго суракка чакырылган. Ал Саламаттык сактоо министрлигинин кызмат адамдарына карата "коррупция жана өзүнчө бир фармацевтикалык компаниянын кызыкчылыгын коргогон" деп козголгон кылмыш иши боюнча көрсөтмө берери айтылган. Эртеси, 10-июлда, Чолпонбаевдин жүрөгү ооруп, оор абалда ооруканага түшкөн.

Кылмыш иши

Экономикалык кылмыштарга каршы күрөшүү кызматынын маалыматы боюнча, Саламаттык сактоо министрлигинин жетекчилик кызматтагы өкүлдөрү кызматтык абалын кыянаттык менен пайдаланып, элдин жана мамлекеттин кызыкчылыгына каршы келген консультациялык кызмат көрсөтүү боюнча келишим түзгөндүгү аныкталды. Натыйжада мамлекеттик бюджетке 9 миллион сомго жакын зыян келген.

Чолпонбаев Жазык кодексинин 320-беренеси ("Кызматтык абалын кыянаттык менен пайдалануу") боюнча кармалды.

Тема боюнча

Финпол: опузалап акча талап кылды делген УКМК кызматкери кармалды
Экс-министр Космосбек Чолпонбаев кармалды
Белгилер:
кылмыш, министр, кармоо, Космосбек Чолпонбаев, Кыргызстан

ЭҢ МААНИЛҮҮ