Мындан улам Саламаттык сактоо министрлиги элди санитардык эрежелерди бекем сактоого, эшикке бейчеки чыкпоого чакырууда.
Sputnik Кыргызстан агенттиги бул тексттик баяндамада COVID-19 боюнча өлкөдө болуп жаткан соңку кабарларды окурмандарга тартуулап турмакчы.
25-майдан тарта борбор калаада 110 троллейбус, 112 автобус иштей баштайт. Бул тууралуу мэриянын маалымат кызматы кабарлады.
"Буга чейин Жогорку Кеңештин экс-төрагасы Мукар Чолпонбаевдин ооруга чалдыгып, бирок абалы жакшы болуп калганы маалымдалган эле. Коронавирустун айынан анда эки тараптуу пневмония, дем алуу жетишсиздиги жана башка бир катар өнөкөт оорулары өрчүп кеткен. Ал ошондой эле бөйрөк, жүрөк-кан тамыр илдеттеринен жабыр тартчу", — деп айтылат Республикалык штабдын маалыматында.
Эртең иштей турчу жайлар:
"Вирустун экинчи толкуну күздө кайтып келиши мүмкүн деген божомолдор айтылууда. А чынында буга байланыштуу дүрбөлөңгө түшүүнүн кажети жок. Коронавирус деле акырындык менен адамдын организмине ыңгайлашып, башка вирустар сыяктуу эле билинбей жүрүп калышы ыктымал”, — деди Нурматов.
Россиянын Оренбург облусунан Бишкекке автобус менен 413 кыргызстандык алып келинди. Бул тууралуу Тышкы иштер министрлигинен билдиришти.
“24-май күнү тогуз автобустан турган колонна Оренбург облусунан 413 жаранды алып келди. Алар алгоритмге ылайык, медициналык кароодон өтүп, обсервацияга жайгаштырылат”, — деп айтылат билдирүүдө.
Күзүндө коронавирустун экинчи толкуну болушу мүмкүндүгүнө байланыштуу элди сасык тумоого каршы эмдөө жүргүзүү пландалып жатат. Бул тууралуу саламаттыкты сактоо министринин орун басары Нурболот Үсөнбаев брифинг учурунда билдирди.
"Вирус менен күрөшүүнүн кийинки этабынын тапшырмалары иштелип жатат. Экинчи толкун дагы калктын саламаттыгына, экономикасына чоң таасирин тийгизиши мүмкүн. Ошон үчүн алдын ала чаралары көрүп жатабыз. Анын ичинде илдетти оорлоштуруп, өтүштүрүп жибербөө кирет. Гриппке каршы эмдөөлөрдү өз убагынан эртерээк жүргүзгөнгө аракет кылабыз. Эгерде сасык тумоодон абал начарлап, ага дагы коронавирус кошулса адамга кыйын болот. Мүмкүнчүлүк болсо пневноккок инфпекциясына каршы дагы эмдөөлөрдү жүргүзөбүз. Эмдөөлөр массалык түрдө болушу ыктымал", — деди Үсөнбаев.
Өткөн суткада өлкө боюнча 38 адамдын коронавирус жуктуруп алганы аныкталса, алардын 25и Нарын облусунан катталды. Бул тууралуу Саламаттык сактоо министрлигинин брифинги учурунда белгилүү болду.
Маалыматка караганда, Бишкек шаарынан беш кишиден чыкты, дагы бирөө Санкт-Петербург шаарынан келген мекендешибиз болду. Чүй облусунан үч кишиден табылды. Алар Соль-Илецкиден кайткандар. Ош облусунан эки, Жалал-Абад жана Баткен облусунан бирден оорулуу катталды.
"Эң көбү Нарын облусунан табылып, алардын саны 25ке жетти. Булар ооругандар менен байланышта болуп, медициналык көзөмөлгө алынгандар", — деп айтылды маалыматта.
Коронавирус жуктуруп алып ооруканада жаткандардын арасынан 11 кишинин абалы оор, төртөө реанимацияда. Бул тууралуу брифинг учурунда саламаттык сактоо министринин орун басары Нурболот Үсөнбаев билдирди.
Коронавирус менен күрөшүүдөгү иш-чараларды каржылоо үчүн өкмөттүн атайын эсебине жеке жана юридикалык жактардан канча каражат түшкөнү белгилүү болду.
