Кайда экениңерди айткыла! ТИМ беш өлкөдөгү кыргызстандыктарга кайрылды

© Sputnik / Мигель Кандела / Медиабанкка өтүүДарыканага кезекте турган адамдар. Архив
Дарыканага кезекте турган адамдар. Архив - Sputnik Кыргызстан
Жазылуу
Беш мамлекетте жашап, иштеп жаткан кыргызстандыктардын тизмеси такталып, маалыматтар күнү-түнү топтолуп, толукталууда.

БИШКЕК, 26-фев. — Sputnik. Дүйнөдөгү COVID-19 коронавирусу боюнча кырдаалдан улам кыргыз ТИМи жана Корея, Иран, Япония, Швейцариядагы дипломатиялык өкүлдөрү ал жактагы кыргызстандыктардын кайрылуусун күнү-түнү, ыкчам кабыл аларын билдирди. Бул туурасында аталган министрликтин маалымат кызматынан кабарлашты.

Швейцариядагы консулдук округ Италияны да камтый турганы айтылды.

Усиление санитарно-карантинного контроля в аэропортах - Sputnik Кыргызстан
Үрүмчүдөн келген кыргызстандык 40 студент карантинден чыгарылды
Алар Кытайга жана вируска кабылган башка өлкөлөргө барып келген кыргызстандыктарга консулдук-укуктук жана башка практикалык жардам көрсөтүү максаты каралгандыгын билдиришти.

Аталган өлкөлөрдө жашаган кыргызстандыктардын тизмеси такталып, маалыматтар күнү-түнү топтолуп, толукталууда. Бул эгерде жарандар өзгөчө кырдаалда кайрылып калса тез арада жардам бере салуу үчүн жасалып жатканы айтылды.

"Коронавируска кабылган Кытай, Корея, Иран, Япония жана Италия мамлекеттеринде жүргөн биздин жарандарга жашап жаткан даректерин, байланыша турган телефондорун жана маанилүү деп эсептеген маалыматтарын ошол мамлекеттеги Кыргызстандын элчилигине билдирүүнү суранабыз", — деп айтылат ТИМ тараткан маалыматта.

Министрлик вирус боюнча абал турукташмайын Кытай, Корея, Иран, Япония жана Италияга барбай турууну элге эскертти.

Аталган мамлекеттерде жүргөн кыргызстандыктарды эл көп чогулган жерге баруудан алыс болууга чакырды. Ошол мамлекеттин жергиликтүү бийлиги жана медицина кызматкерлери айткан сактануу чараларын сактоо зарылдыгын айтты.

Ооруканада вакцинация өтүп жаткан убакытта. Архив - Sputnik Кыргызстан
Кытайдын элчиси коронавирусту ооздуктай турчу вакцина боюнча маалымат берди
ТИМ жана анын чет мамлекеттердеги мекемелери ошол, өнөктөш мамлекеттердин тышкы иштер министрликтери, бийликтин тиешелүү мамлекеттик жана жергиликтүү органдары, чет элдик дипмиссиялар менен тыгыз байланышта болуп, иштеп жатат.

Кытай, Корея, Иран, Япония, Италиядагы кыргызстандыктардын коронавирус жана эпидемиологиялык абал туурасында суроолору болсо төмөнкү даректерге кайрылуу керек:

1. КР ТИМинин консулдук кызматы. Дареги: Бишкек ш., Тоголок Молдо көч., 10, иш телефон (+996 312) 663405 (ички номер 105, 109, 119), 660811 (ички номер 105, 109, 119).

2. Кыргызстандын Кытайдагы элчилиги. Дареги: H 10/11 King"s Villas № 18, Xiaun Road, Beijing 100016, China, иш телефон (+86 10) 64681297, e-mail: kgembassy.cn@mfa.gov.kg, чукул кырдаалда байланыша турган номер: +86 132 602 03680; +86 135 819 02801.

3. Гуанчжоу шаарындагы Кыргызстандын Башкы консулдугу. Дареги: Room No. 707, Grand Tower No. 228, Tianhe Road, Guangzhou, 510620, China, иш телефон (+86 20) 38013875, e-mail: kgconsulate-guangzhou@mfa.gov.kg, чукул кырдаалда байланыша турган номер: +86 139 250 51627, +86 186 660 93015.

4. Үрүмчү шаарындагы Кыргызстандын ТИМинин виза пункту. Дареги: №876, Davan Bei, Urumqi city, China, 830063, e-mail: kgconsulate.urumchi@mfa.gov.kg, чукул кырдаалда байланыша турган номер: +86 133 256 29147, +86 185 990 44747.

Частичный карантин круизного лайнера Diamond Princess в Йокогаме - Sputnik Кыргызстан
Коронавирустан карантинге алынган Diamond Princess азыр кандай абалда? Видео
5. Япониядагы Кыргызстандын элчилиги. Дареги: 108-0079, Tokyo, Japan, Minato-ku, Mita 1-5-7, иш телефон (+81 3) 6453 8277, e-mail: kgembassy.jp@mfa.gov.jp

6. Кореядагы Кыргызстандын элчилиги. Дареги: Dongbinggo dong 28-17, Yongsan-gu Seoul, иш телефон (+82 2) 3790951, 3790952, e-mail: kgembassy.kr@mfa.gov.kg, чукул кырдаалда байланыша турган номер: +82 10 2180 4216.

7. Ирандагы Кыргызстандын элчилиги. Дареги: PO code: 195 793 5611, bldg. 12, 5th Naranjestan Alley, Pasdaran Street, Tehran, иш телефон (+98 21) 228 303 54, e-mail: kgembassy.ir@mfa.gov.kg, чукул кырдаалда байланыша турган номер: +98 933 179 2782, +98 935 250 5278.

8. Швейцария Конфедерациясындагы Кыргызстандын элчилиги. Дареги: Avenue Blane 51, 1202 Geneva, иш телефон (+41 22) 707 9220, e-mail: kgembassy.ch@mfa.gov.kg, чукул кырдаалда байланыша турган номер: +41 789 781 414.

Жаңылыктар түрмөгү
0