18:03 13 Жетинин айы 2019
Түз эфир
  • USD69.8500
  • EUR76.8979
  • RUB1.0880
АН-26 учагы. Архив

Кыргыз-тажик чек арасында жаракат алган он киши Бишкекке жөнөтүлдү

© Sputnik / Табылды Кадырбеков
Коом
Кыскача шилтеме алуу
Максат жана Сай чек ара бекеттерине атылган ок (40)
21510

Кыргыз-тажик чек арасындагы атышууда бир аскер каза болуп, 13 кишинин жаракат алганы кабарланган. Жабырлануучулардын жетөө аскер кызматкери болсо, алтоо — жай тургундар.

БИШКЕК, 17-сен. — Sputnik. Баткендеги кыргыз-тажик чек арасынан жаракат алган он киши аскер учагы менен Бишкекке жөнөтүлгөнүн Чек ара кызматынан кабарлашты.

Ага ылайык, борбордогу медициналык мекемелерде жаракат алгандарга тиешелүү жардам көрсөтүлөт.

Буга чейин президент Сооронбай Жээнбеков чек ара чыры боюнча жыйын куруп, зарылдык жаралса жарадар болгондорду борбор калаага алып келип дарылоо керектигин белгилеген.

Жаңжалдын тутанышы

Президент Сооронбай Жээнбеков провел совещание по ситуации на кыргызско-таджикской границе
© Пресс-служба президента КР / Султан Досалиев
Эске салсак, 16-сентябрда кечке жуук тажик чек арачылары Кыргызстандын Максат жана Сай чек ара бекеттерине ок аткан. Анын кесепетинен бир аскер каза болуп, 13 кишинин жаракат алганы кабарланган. Жабырлануучулардын жетөө аскер кызматкери болсо, алтоо — жай тургундар. Баарына медициналык жардам берилип, Исфана шаарындагы райондук ооруканага жеткирилген. Эки аскердин абалы оор.

Ушул тапта окуя болгон жерде премьер-министр Мухаммедкалый Абылгазиев баштаган аткаминерлер жүрөт.

Тажик тараптын версиясы

Чек ара жаңжалы боюнча Тажикстандын расмий органдары да билдирүү жасады. Улуттук коопсуздук боюнча мамлекеттик комитетинин чек ара аскерлери ок атууну кыргыз тарап биринчи баштаганын билдирген. Маалыматка ылайык, кыргыз тарап 16-сентябрда саат 18:45тер чамасында Бахор аймагындагы спорт аянтчасына курулуш иштерин баштаган. Жергиликтүү тургундар (тажик тарап) курулуш иштерин токтотууну талап кылышкан.

Маалыматта эки тараптуу жетишилген макулдашууларга карабай Кыргызстандын куралдуу күчтөрү кошумча 250-300дөй аскерди тартканы айтылат. Чагымчыл аракеттерден кийин Тажикстандын куралданбаган жай тургундарына карата ок атылып, бир нече киши жаракат алганы белгиленген.

Кызыктуу жана маанилүү жаңылыктарды алгачкылардан болуп билгиңиз келеби?
Биздин Telegram-каналга жазылыңыз.
Тема:
Максат жана Сай чек ара бекеттерине атылган ок (40)

Тема боюнча

Баткендеги чек ара чырында 12 жаштагы бала ок жеди. Жарадарлардын тизмеси
Абылгазиев Баткенге келди. Чек арадагы абал боюнча акыркы маалымат
Белгилер:
жаракат, Чыр-чатак, чек ара, Тажикстан, Кыргызстан

ЭҢ МААНИЛҮҮ