04:32 25 Үчтүн айы 2021
Түз эфир
  • USD84.7671
  • EUR103.2421
  • RUB1.1399
Коом
Кыскача шилтеме алуу
Кыргызстандын Азия кубогуна катышуусу (80)
169801

Кыргызстан — БАЭ оюнун Фу Минг башында турган калыстар бригадасы тейледи. Экстра-таймда реферинин дайындаган пенальтисинен улам атаандаштар жеңишке жетти. Бул кыргызстандыктардын эле эмес, күйөрмандык кылган жалпы элди нааразы кылды.

БИШКЕК, 22-янв. — Sputnik. Азия кубогунун 1/8 финалында ойногон кыргызстандык команда талаа ээси болгон Бириккен Араб Эмирлигине 2:3 эсебинде утулуп калды. Жеңилүү ызасына карабай улуттук команда мыктылыгын көрсөттү. Акыркы голду арабдар күмөн жараткан пенальтиден киргизгени да айтылууда.

Бул беттешти Фу Минг башында турган калыстар тобу тейледи. Команданын басымдуу бөлүгү кытайлыктардан турган FIFA арбитрлеринен түзүлгөн. Арасында түштүккореялык бир рефери болду. Көрөрмандардын көпчүлүгү башкы рефериге нааразы болуп, аны сатылып кетти деп күнөөлөп жатышат.

Кыргызстандык футбол күйөрмандары социалдык тармакта #FuMingShame (ФуМингУял) деген хэштег менен флешмоб баштады. Ал ортодо оюндун жыйынтыгын жокко чыгаруу үчүн change.org сайтында петиция үчүн кол топтолууда.

Германиянын футболчуларды баалоо менен алектенген Transfermarkt порталынын маалыматы боюнча Фу Минг 1983-жылы Цзянсу провинциясынын Хуайань округунда туулган.

2014-жылдан тарта эл аралык беттештерди тейлеп жүрөт. Дүйнөлүк деңгээлде 2017-жылы өткөн Дүйнө чемпионатынын тандоо турларын, 2018-жылы өткөн Азия чемпионатын (U23) АФК Чемпиондор лигасын жана АСЕАН чемпионатына калыстык кылган.

Кечээки беттеш Азия кубогундагы экинчи арбитрлиги болду. КР — БАЭ оюнуна чейин Ирак менен Йемендин таймашын тейлеген. Анын жыйынтыгы менен ирактыктар плей-оффко чыккан.

Минг улуттук федерациялардын нааразылыгын жараткан калыстардын бири. 2017-жылы Дүйнө чемпионатынын алкагында Сауд Аравиясы менен Таиланддын беттешин тескеген.

Анда да кечээкидей кырдаал түзүлгөн. Сауд Аравиясынын колу менен ойноп ийген оюнчусуна кызыл карта көрсөткөн эмес, бирок оюн соңунда таиланддыктардын дарбазасына пенальти дайындаган. Бул топ арабдар үчүн чечүүчү гол болгон. Беттештен кийин Таиланддын Футбол ассоциациясы ФИФАга арызданган. Кийинчерээк Мингдин чечими туура делип, акталган.

2016-жылы 36 жаштагы Минг Сузуки кубогу үчүн ат салышкан Вьетнам менен Индонезиянын оюнун тейлеп, көптөрдүн эсинде калган. Алгач Вьетнамдын дарбазасына пенальти дайындап, бир аздан соң аны кайра жокко чыгарып салган.

Кыргызстандык белгилүү рефери Бахадыр Кочкаров да Фу Минг тууралуу пикир айтты.

Тема:
Кыргызстандын Азия кубогуна катышуусу (80)

Тема боюнча

Пенальтинин кереги жок эле, калыс баарын бузду. Рефери Кочкаров Фу Минг жөнүндө
Абылгазиев баштаган аткаминерлер күйөрмандык кылганда. Сүрөт
Белгилер:
рефери, оюн, футбол, Фу Минг

ЭҢ МААНИЛҮҮ