БИШКЕК, 2-мар. — Sputnik. АКШда эл аралык курал-жарак аткезчилигине шектелип кармалган Кыргызстандын жараны Теңгиз Сыдыковдун ишин сот 1-мартта карап, үй камагына чыгаруу чечимин кабыл алды. Бул тууралуу Кыргызстандын Тышкы иштер министрлигинин маалымат кызматы билдирди.
Буга чейин Сыдыковдун апасы, КРдин АКШдагы мурдагы элчиси Замира Сыдыкова уулу бошотулганын, бирок сот кандай чечим чыгарганын билбей турганын айткан.
1 Жалган Куран 2018, 17:41
Белгилей кетсек, Американын ЖМКлары Чеченстанга 100дөн ашык курал-жаракты ашкана буюмдары деп салган Теңгиз Сыдыков менен Элдар Резванов аттуу жарандар Вирджиния штатында 27-февраль күнү колго түшкөнүн маалымдаган. Теңгиз Сыдыков Кыргызстандын АКШдагы мурдагы элчиси Замира Сыдыкованын баласы экени аныкталган.
Соттук угуу ошол эле күнү болмок, бирок аймактык соттун чечими менен 1-мартка жылдырылган. Шектүүлөрдүн курал-жарак аткезчилигине тиешеси бар экени аныкталса АКШ мыйзамдарына ылайык 20 жылга чейин эркинен ажырашы мүмкүн.
