19:34 26 Бугу 2018
Түз эфир
Президент Сооронбай Жээнбеков башкы прокурор Индира Жолдубаеваны кабыл алды

Жээнбеков: текшерүүлөр элди кыйнаган бизнеске айланып баратат

© Пресс-служба президента КР / Султан Досалиев
Коом
Кыскача шилтеме алуу
293 0 0

Өлкө башчысы укук коргоо жана башка органдардын мамлекеттик органдардагы коррупцияны алдын алуу боюнча көзөмөлдөө ишинин жетишсиздигин айтты

БИШКЕК, 15-фев. — Sputnik. Президент Сооронбай Жээнбеков башкы прокурор Индира Жолдубаеваны кабыл алганын өлкө башчынын маалымат кызматы билдирди.

Президент Сооронбай Жээнбеков Улуттук коопсуздук мамлекеттик комитетинин төрагасы Абдил Сегизбаевди кабыл алуу учрунда
© Пресс-служба президента КР / Султан Досалиев
Жолугушууда 2018-жылдын 8-февралында өткөн Коопсуздук кеңешинин жыйынында прокуратура органдарынын алдына коюлган коррупцияга каршы чаралар жана тапшырмалар талкууланды.

Президент Башкы прокурорго прокуратура органдары жана укук коргоо же өлкөнүн башка мамлекеттик органдары тарабынан жүргүзүлгөн негизсиз текшерүүлөр фактыларын жокко чыгаруу боюнча чара көрүү милдетин тапшырды.

"Тынымсыз текшерүүлөрдөн улам мамлекеттик органдардын жана ишкерликтин толук кандуу иштешине жол бербей, өлкөнүн экономикасынын өнүгүүсүнө жолтоо кылып жатабыз. Бул жөнөкөй жарандарды кыйноого жана алардын көйгөйүнө негизделген бизнеске айланып жатат", — деди Жээнбеков.

Муну менен бирге укук коргоо жана башка органдардын мамлекеттик органдардагы коррупцияны алдын алуу боюнча көзөмөлдөө ишинин жетишсиздиги белгиленди.

Президент бул багытта бардык кылмыш иштерин инвентаризациядан өткөрүү жана тиешелүү кызмат адамдарынын иш-аракеттерине юридикалык баа берүү тапшырмасын берди.

Эске салсак, президент апта башында УКМК жетекчиси Абдил Сегизбаевди кабыл алып Коррупцияга каршы кызматтын ишмердигинин форматын мекемеге жүктөлгөн милдеттерди толук аткарып жатканын жана ар бир кызматкер иштеген кызматына ылайык келерин кайрадан карап чыгуу милдетин койгон.

Тема боюнча

Жээнбеков: баӊгизаттарды көзөмөлдөө начарлап кетти
Жээнбеков: сот ишине кийлигишейин деген оюм жок, бирок мажбур болуп жатам
Белгилер:
жолугушуу, Сооронбай Жээнбеков, Индира Жолдубаева
Колдонуу эрежелериПикирлер

ЭҢ МААНИЛҮҮ