БИШКЕК, 19-май. — Sputnik. Кыргыз эл жазуучусу, драматург Мар Байжиевдин жалгыз уулу Азис Байжиев бүгүн таңга жуук дүйнө салды. Маалыматты Sputnik Кыргызстан агенттигине анын жакындары тастыктады.
Алардын айтымында, Азис Байжиев акыркы күндөрү бөйрөк оорусу менен жабыркап жүргөн. Жеке ишкерлик менен алектенген жазуучунун уулу быйыл 51 жашка толмок. Маркумдун артында эки баласы калды.
Эске салсак, Мар Байжиев быйыл 83 жашка чыгат, анын уулунан сырткары эки кызы бар.
