Билими:
1990 — Борис Ельцин атындагы Урал федералдык университетинин инженер-экономика факультетин аяктаган.
Эмгек жолу:
1979 – 1982 — Өзбекстандагы алтын өндүрүүчү гидрометаллургиялык заводунда уста;
1990 – 1995 — Навои шаарындагы тоо-металлургиялык комбинатында инженер-экономист;
2000 – 2008 — Аламүдүн райондук жана Көк-Жар айылдык кеңешинде депутат;
2010 — КСДП фракциясынан Жогорку Кеңеште депутат, Чүй облусунун губернатору;
2013 – 2016 — "Кыргызалтын" ишканасынын башкаруучулугунун төрагасынын орун басары;
08.2017 — Кыргызстандын социал-демократиялык партиясынын тизмесинен партиянын съездинин чечимине баш ийбегени үчүн деп алардын катарынан чыгарылган;
2018 — КСДП аны "партиядан четтеди жана партиядан көрсөтүлгөн жалгыз талапкер Сооронбай Жээнбековго каршы иш жасаган" деген билдирүү тараткан. Ушул эле жылы "Атамбаевсиз КСДП" аттуу кыймыл түзүлгөн.
04.2019 — Абдрахманов өзүнүн тарапташтары менен КСДПнын съездин өткөрүп, партиянын жетекчиси болуп шайланган. Юстиция министрлигинин сайтында КСДПнын юридикалык маалыматы өзгөртүлүп, жетекчи деген жерде Алмазбек Атамбаевдин фамилиясынын ордуна Сагынбек Абдрахманов деп жазылган. Аны менен катар юридикалык дареги да "Шабдан баатыр, 4Б" дарегинен "Эркиндик, 45" деп өзгөртүлгөн.
Юстиция министрлиги КСДПнын жетекчилиги "Атамбаевсиз КСДП" кыймылынын башчысы Сагынбек Абдрахмановдон аталган саясий партиянын жетекчисин, саясий кеӊештин курамын, жайгашкан жерин алмаштыруу жөнүндө кабарлама келип түшкөндөн кийин алмаштыргандыгын билдирди.
Ал эми 2017-жылдын мартында КСДПнын төрагасы болуп шайланган Алмазбек Атамбаев түзүлгөн кырдаал боюнча Юстиция министрлигинде иштеген жетекчилердин аракетине баа берүү үчүн башкы прокурорго кайрылды.
