22:21 23 Теке 2021
Түз эфир
  • USD84.2620
  • EUR99.2101
  • RUB1.1423
Саясат
Кыскача шилтеме алуу
Баткендеги кыргыз-тажик жаңжалы (307)
43201

Мамлекет башчылары учурдагы түзүлгөн кырдаалды тынчтык жолу менен гана чечип, 2021-жылдын май айынын экинчи жарымында Душанбе шаарында жолугушуу өткөрүүнү макулдашты.

БИШКЕК, 30-апр. — Sputnik. Мамлекет башчы Садыр Жапаров бүгүн, 30-апрелде, Тажикстандын президенти Эмомали Рахмон менен телефон аркылуу сүйлөштү. Бул тууралуу президенттин маалымат кызматы кабарлады.

Мамлекет башчылары кыргыз-тажик мамлекеттик чек арасындагы кырдаалды жана аны тез арада жөнгө салуу чараларын талкуулашты.

Садыр Жапаров кыргыз тарап мамлекеттер аралык маселелерди диалог жолу менен чечүүнү жана кыргыз-тажик мамлекеттик чек арасындагы кырдаалды туруктуу абалда сактап калууну колдой турганын белгиледи.

Президент Кыргызстан менен Тажикстандын ортосундагы өз ара кызматташтык мындан ары да кыргыз жана тажик элдеринин ортосундагы салттуу жана көп кылымдык достуктун, ынак коңшулуктун негизинде ырааттуу жана жемиштүү өнүгө берерине ишенимин билдирди.

Мамлекет башчылары учурдагы түзүлгөн кырдаалды тынчтык жолу менен гана чечип, үстүбүздөгү жылдын май айынын экинчи жарымында Душанбе шаарында жолугушуу өткөрүүнү макулдашышты.

Кыргыз-тажик мамлекеттик чек араны делимитациялоо жана демаркациялоо боюнча тараптардын өкмөттүк делегацияларынын сүйлөшүүлөрү эртең, 1-майда, Баткен облусунда өтө турганы айтылды.

Тема:
Баткендеги кыргыз-тажик жаңжалы (307)

Тема боюнча

Чек ара: интернетте кыргызстандыктардын үйлөрү түрттүрүлүп жаткан видео тарады
Чек ара аймагында КР номери тагылган тез жардам унаасы оодарылып жатат. Сүрөт
Белгилер:
президент, телефон, Эмомали Рахмон, Садыр Жапаров

ЭҢ МААНИЛҮҮ