15:33 19 Бирдин айы 2020
Түз эфир
  • USD69.8406
  • EUR75.6129
  • RUB1.0952
Саясат
Кыскача шилтеме алуу
407 0 0

Маалымат катчы эмнеге быйыл да "Аймактарды өнүктүрүү, өлкөнү санариптештирүү жылы" деп жарыяланганын түшүндүрдү.

БИШКЕК, 9-янв. — Sputnik. Аймактык өнүгүү, өлкөнү санариптештирүү жана балдарды колдоо маселелери бири-бирин толуктап турат. Бул туурасында президент Сооронбай Жээнбековдун маалымат катчысы Толгонай Стамалиева билдирди.

Ал быйылкы жылдын "Аймактарды өнүктүрүү, өлкөнү санариптештирүү жана балдарды колдоо жылы" деп жарыяланышынын себебин түшүндүрүп, бул багытта жасалчу иштер тууралуу айтты.

"Сооронбай Жээнбеков президенттик ишинин алгачкы жылын облустардын экономикасын колдоо, жер-жерлерде ишкерликти өнүктүрүү үчүн кредиттик жана бюджеттик саясатты күчөтүү максатында "Региондорду өнүктүрүү жылы" деп жарыялаган. Ошондой эле үй-бүлө институтуна терс таасирин тийгизген ички миграцияны кыскартуу дагы негизги максат болгон. Мындай шартта балдарыбыз мамлекет тарабынан көбүрөөк көңүл бурууну талап кылат. Ошондуктан үстүбүздөгү жыл балдарды колдоого да басым жасалат", — деди Стамалиева.

Мындан сырткары, ал өлкөнү санариптик трансформациялоонун максаты жарандарга мамлекеттик кызматтарды көрсөтүү, алардын ичинде саламаттык сактоо, билим берүү тармактарында коррупцияны жоюу экенин кошумчалады.

"Буга чейинки эки жылда мамлекеттик саясат балдарды колдоо үчүн укуктук, экономикалык базаны бекемдөөгө багытталган. Ошондой эле өлкөнү санариптештирүү саясатын келечек муундан өзүнчө бөлүп кароо мүмкүн эмес. Ошондуктан жаш муундун санариптештирүү процессине катышуусу 2020-жылдагы мамлекеттик саясаттын артыкчылыктуу багыттарынын бири катары аныкталды", — деп белгиледи маалымат катчы.

Эске салсак, 2018-жыл "Региондорду өнүктүрүү жылы", 2019-жыл "Региондорду өнүктүрүү жана өлкөнү санариптештирүү жылы" деп жарыяланган.

Тема боюнча

Сооронбай Жээнбеков 2020-жылды эмне деп жарыялаганын айтты
Белгилер:
маалымат катчысы, президент, Толгонай Стамалиева

ЭҢ МААНИЛҮҮ