18:06 23 Бугу 2019
Түз эфир
  • USD69.8492
  • EUR77.8085
  • RUB1.0831
Түндүк Кореянын лидери Ким Чен Ын

Ким Чен Ын Россияга зооттолгон поезд менен келди

© REUTERS / KCNA
Саясат
Кыскача шилтеме алуу
355 0 0

Приморьенин борборуна Түндүк Корея лидеринин карындашы Ким Ё Чжон келип түшкөн.

БИШКЕК, 24-апр. — Sputnik. Түндүк Кореянын лидери Ким Чен Ын Россия лидери Владимир Путин менен жолугуу үчүн Владивостокко зооттолгон поезд менен келди. Бул туурасында РИА Новости Кореянын Борбордук телеграф агенттигине шилтеме кылып берди.

Буга чейинки маалыматтарда жолугушуунун эртең, 25-апрелде, болору, ал эми анын пландалган аймакка шаршемби күнү келери айтылган.

Ким Чен Ынды Кореянын "Эмгек" партиясынын төрагасынын орун басарлары Ким Пхён Хэ менен О Су Ён, ТИМ башчысы Ли Ён Хо, Корея элдик армиясынын башкы штабынын начальниги Ли Ён Гиль, ТИМ жетекчисинин биринчи орун басары жана башка расмий тараптар коштоп жүрөт. Анткен менен Кореянын биринчи айымы Ли Соль Чжунун фамилиясы тизмеде көрсөтүлгөн эмес.

Ким Чен Ындын Россияга биринчи сапары 2011-жылы болгон. Алдыдагы саммит 25-апрелде Владивостоктогу Орус аралында өтөт. Башкы тема катары Корей жарым аралынын өзөктүк куралдар боюнча көйгөйлөрүн жолго салуу жана эки тараптуу мамиле талкууга алынат.

Приморьенин борборуна Түндүк Корея лидеринин карындашы Ким Ё Чжон келген. Шейшемби күнү Владивостоктогу аба майданга Пхеньяндан келген эки учак конду. Кореялык ЖМКлардын жазганына караганда, Ким Чен Ындын коопсуздук кызматынын өкүлдөрү буга чейин келген.

Тема боюнча

Дональд Трамп менен Ким Чен Ын бир пикирге келген жок. Вьетнамдагы жолугушуу
Белгилер:
Ким Чен Ын, Владимир Путин, Россия, Түндүк Корея

ЭҢ МААНИЛҮҮ