02:41 22 Аяк оона 2018
Түз эфир
  • USD68.8080
  • EUR81.1487
  • RUB1.0386
Премьер-министр Сапар Исаковдун архивдик сүрөтү

Сапар Исаков бир катар министр менен жетекчилерге сөгүш берди. Тизме

© Фото / пресс-служба ЖК
Саясат
Кыскача шилтеме алуу
39210

Айрым аткаминерлерге катуу сөгүш берилсе, кээси эскертүү алды

БИШКЕК, 12-мар. — Sputnik. Премьер-министр Сапар Исаков министрлер менен айрым административдик ведомстволордун жетекчилерине тартиптик жаза берүү боюнча буйрукка кол койду. Бул тууралуу өкмөттүн маалымат кызматы билдирди.

Ага ылайык, мындай чара өкмөттүн коррупцияга каршы саясатынын мамлекеттик стратегиясын аткаруу боюнча иш-чаралар планы тууралуу так эмес жана сапатсыз маалыматты бергендиги үчүн көрүлгөн.

Архитектура, курулуш жана турак жай коммуналдык чарба мамлекеттик агенттигинин статс-катчысы Самат Бөрүбаевге сөгүш жарыяланган.

Премьердин буйругу боюнча эскертүү алгандар:

Уран Ахметов — Юстиция министри;

Бактыбек Секимов — Маданият, маалымат жана туризм министрлигинин статс-катчысы;

Азамат Эркебаев — Курчап турган чөйрөнү коргоо жана токой чарба мамлекеттик агенттигинин статс-катчысы;

Илияз Ташбаев — Мамлекеттик мүлктү башкару боюнча фонддун статс-катчысы.

Ал эми өкмөттүн 2014-жылдын 28-ноябрындагы коррупциянын алдын алуу маселелери боюнча ыйгарым укуктуунун кызмат ордун киргизүү жөнүндөгү буйругун аткарбагандыгы үчүн Финансы рыногун жөнгө салуу жана көзөмөлдөө мамлекеттик кызматынын статс-катчысы Абдухалык Шамшиевге сөгүш жарыяланды.

2017-жылкы мамлекеттик инвестициялар долбоорунун бюджетин аткаруу боюнча жетишсиз иши үчүн эскертүү берилгендер:

Адылбек Касымалиев — финансы министри.

Катуу сөгүш жарыялангандар:

Артем Новиков — экономика министри;

Гүлмира Кудайбердиева — билим берүү министри;

Нурбек Мурашев — айыл чарба, тамак аш өнөр жайы жана мелиорация министри;

Уланбек Рыскулов — Өнөр жай, энергетика жана жер казынасын пайдалануу мамлекеттик комитетинин төрагасы;

Абдыкалык Рустамов — Курчап турган чөйрөнү коргоо жана токой чарба мамлекеттик агенттигинин директору;

Бактыбек Абдиев – Архитектура, курулуш жана турак жай коммуналдык чарба мамлекеттик агенттигинин директору.

Өкмөт аппаратынын башчысы Нурханбек Момуналиевдин архивдик сүрөтү
© Пресс-служба правительства / Сабыр Аильчиев
2015-2017-жылдарга Кыргызстандын коррупцияга каршы саясатынын мамлекеттик стратегиясын аткаруу боюнча КРдин мамлекеттик органдарынын иш-чараларынын планын аткаруу жөнүндө так эмес жана сапатсыз маалымат бергендиги, 2017-жылкы мамлекеттик инвестициялар долбоорунун бюджетин аткаруу боюнча жетишсиз иши үчүн саламаттык сактоо министри Талантбек Батыралиевге катуу сөгүш жарыяланды.

Сапар Исаков буга чейин да бир катар аткаминерге эскертүү берген болчу.

Тема боюнча

Бир катар аткаминерлерге сөгүш жана эскертүү берилди. Тизме
"Чык эшикке!": Жээнбеков кууп чыккан аткаминерди Исаков иштен алмай болду
Белгилер:
сөгүш, өкмөт, Сапар Исаков
Колдонуу эрежелериПикирлер

ЭҢ МААНИЛҮҮ