Сот Карганбек Самаковду жана анын уулун эркинен ажыраткан өкүм чыгарды

© Фото / пресс-служба ЖКЖКнын экс-депутаты Карганбек Самаковдун архивдик сүрөтү
ЖКнын экс-депутаты Карганбек Самаковдун архивдик сүрөтү - Sputnik Кыргызстан
Жазылуу
Самаков менен кошо күнөөлөнүп жаткан бир катар аткаминерлерге 5 миллион сомдон айып пул салынды

БИШКЕК, 20-дек. — Sputnik. Борбор калаанын Октябрь райондук соту бүгүн түнү экс-депутат Карганбек Самаковду  катаал тартипте 10 жылга эркинен ажыратуу туурасында өкүм чыгарды. Бирок эки мунапыс менен абак мөөнөтү үчтөн экиге кыскарды.

Сот залындагы айыпталуучу. Архив - Sputnik Кыргызстан
Атамбаев өзү менен кошо "ала кеткен" саясатчылар
Ал эми аны менен кошо күнөөлөнүп жаткан Кубанычбек Самаков, Абай Таштанбеков, Аликбай Сариев, Эрнис Койчуманов жана Урмат Нурдиновдун үй мүлкү конфискацияланып, катаал тартипте 8 жылга абакка кесилип, эки мунапыс менен абак мөөнөтү үчтөн бирге кыскарды. Ал эми Игорь Чудинов менен Искендер Айдаралиевге 5 миллион сомдон айып пул салынды. Издөөгө алынган Арстанбек Ногоев, Курманбек жана Жаныш Бакиевдерге 10 жылдан берилди.

2008-жылы Байтик, Лебединовка жана Кара-Жыгач айыл өкмөттөрүндөгү айыл чарба жерлерин жеке менчикке өткөрүлгөнү боюнча Самаковго 2015-жылы май айында кылмыш иши козголгон. Ал эми ноябрда Башкы прокуратура ишти сотко өткөргөн. 

Самаковдон тышкары, аталган иш боюнча уулу Кубанычбек Самаковго, Жаныш жана Курманбек Бакиевдерге иш ачылган. 

Мындан тышкары, Аламүдүн райондук соту тарабынан мыйзамсыз токтом чыгарып бергени үчүн ошол кезде өкмөттү жетектеп турган Игорь Чудиновго, биринчи вице-премьер Искендербек Айдаралиевге жана айыл чарба министри Арстанбек Ногоевге айып тагылган.

Жаңылыктар түрмөгү
0