БИШКЕК, 28-ноя. — Sputnik. ЖККУнун саммитинде кыргыз-казак лидерлеринин жолугушуусу пландалган жок. Бул тууралуу президенттин аппаратынын тышкы саясат бөлүмүнүн башчысы Айзада Субакожоева билдирди.
Минискиде 30-ноябрь күнү Жамааттык коопсуздук келишим уюмуна мүчө өлкөлөрдүн башчылары жолугушат. Кыргызстандын атынан Белоруссиянын борбор калаасына Сооронбай Жээнбеков барат.
"Юбилейлик сессиянын жыйыны тар жана кеңейтилген форматта өтүп, өлкө лидерлери уюмдун 15 жылдык ишмердүүлүгүнүн жыйынтыктарын чыгарат. Ошондой эле жамааттык коопсуздукту күчөтүүгө багытталган 24 маселе каралат. Анын ичинде стабилдүүлүктү сактоо жана терроризм менен күрөшүү маселелери камтылган", — деди Субакожоева.
Ал ошондой эле убакыттын тардыгына байланыштуу кыргыз-казак лидерлеринин жолугушуусу пландалбаганын кошумчалады.
