21:04 15 Аяк оона 2019
Түз эфир
  • USD69.8500
  • EUR77.4846
  • RUB1.0834
Кыргыз-казак чек арасы. Архивдик сүрөт

Сапар Исаков Астанада чек ара маселеси боюнча макулдашты

© Sputnik / Табылды Кадырбеков
Саясат
Кыскача шилтеме алуу
Кыргызстан менен Казакстандын чек арасындагы абал (87)
87420

Кыргыз-казак премьерлеринин орун басарлары жетектеген жумушчу тобу түзүлөт. Алар эки тараптын экономикалык алакаларынын маанилүү маселелери боюнча "жол картасын" даярдамакчы.

БИШКЕК, 19-окт. — Sputnik. Премьер-министр Сапар Исаков Казакстан менен чек ара маселеси боюнча макулдашты. Бул туурасында Sputnik Казакстан казак өкмөтүнө таянып кабарлады.

Премьер-министрлердин, министрликтердин, ведомство жетекчилеринин сүйлөшүүсүнүн негизинде эки өлкөнүн чек арасынан өтүү боюнча макулдашуу түзүлдү.

19-октябрда саат 00:00дөн тарта казак-кыргыз чек арасынан жөнөкөй адамдардын, жеңил автоунаалардын, бош ири унаалардын ары-бери эркин катташы биринчи орунга коюлду.

Мындан сырткары, маалымат кызматтын билдиргенине караганда, кыргыз-казак премьерлеринин орун басарлары жетектеген иш тобу түзүлөт. Алар эки тараптын экономикалык алакаларынын маанилүү маселелери боюнча "жол картасын" даярдамакчы.

Буга чейин президент Алмазбек Атамбаев Казакстан жетекчилигин Кыргызстандагы шайлоолорго киришкендиги үчүн айтыптаган. Ал эми буга жооп кылган Астана мындай кептер негизсиз экендигин айтып, нааразылыгын билдирген.

Андан бир күн өтпөй эле,, 10-октябрда, кечинде кыргыз-казак чек арасындагы үч көзөмөл өткөрүү бекетинде кезек күткөн адамдардын жана унаалардын саны өсүп, жөнөкөй элди бушайманга салган. Бир күн өткөн соң Казакстандын улуттук коопсуздук боюнча комитети өлкөнүн бардык чек араларында атайын операция жүргөндүктөн жогорудагыдай кырдаал түзүлгөнүн маалымдаган.

Андан сырткары, Казакстан веткөзөмөлдү күчөтүп, Кыргызстандан келген азык-түлүктү тыкыр текшерип, кээ бирлерин өткөрбөй туруп алган. Фитосанитардык эрежелерди бетине кармап, сүт өндүрүүчү беш ири ишкананын продукцияларын киргизүүгө такыр эле тыюу салган.

Кечээ, 18-октябрда, Алмазбек Атамбаев Нурсултан Назарбаев тууралуу ашыкча айтып алгандыгын мойнуна алып, ошол эле күнү кыргыз премьери Сапар Исаков сүйлөшүүлөрдү жүргүзүү үчүн Астанага учуп кеткен.

Тема:
Кыргызстан менен Казакстандын чек арасындагы абал (87)

Тема боюнча

Казакстанга баруу үчүн чек арада кезекте тургандар. Видео
Акенеев: чек арадагы жагдайдан казак ишкерлери дагы жапа чегүүдө
Экономика министрлиги: чек ара жаатында Казакстан ЕАЭБ эрежелерин бузууда
Белгилер:
шайлоо, мамиле, кыргыз-казак чек арасы, Сапар Исаков, Нурсултан Назарбаев, Алмазбек Атамбаев, Астана

ЭҢ МААНИЛҮҮ