БИШКЕК, 22-май — Sputnik. Коомдук ишмер Жыпар Жекшеев КТРКнын байкоочу кеңешинин төрагалыгына шайланды. Бул тууралуу КТРКнын башкы директору Илим Карыпбеков Facebook баракчасына жазды.
КТРКнын коомдук байкоочу кеңешинин 15 мүчөсү бар. Буга чейинки байкоочу кеңештин башчысы Жылдыз Бакашева болгон.
Байкоочу кеңештин курамы беш жылга бекитилип, мүчөлөрүнүн ичинен бирөө төрагалыкка бир жылдык мөөнөттөн шайланып турат.
Белгилей кетсек, Жекшеев 2007-жылы ЮНЕСКО иштери боюнча КР Улуттук комиссиясынын башкы катчысы кызматын аркалаган.
2009-жылы президенттикке талапкерлигин койгон.
"Даңк" медалынын ээси жана Казакстандын Ардак грамотасын алган.
