Азимжан Аскаровду өмүр бою эркинен ажыратуу өкүмү күчүндө калды

© Sputnik / Табылды КадырбековАзимжан Аскаров сот залында. Архив
Азимжан Аскаров сот залында. Архив - Sputnik Кыргызстан
Жазылуу
Сот Аскаровдун күнөөсү аныкталганын билдирди. Ал улуттар аралык жаңжалды козутуу, баш аламандык жана адам өлтүрүүгө катыштыгы бар деп айыпталган.

БИШКЕК, 24-янв. — Sputnik. Чүй облустук соту Азимжан Аскаровду өмүр бою эркинен ажыратуу боюнча чыккан өкүмдү күчүндө калтырды. Бул тууралуу сот залынан Sputnik Кыргызстан агенттигинин кабарчысы билдирди.

Уюлдук телефон жана көз айнек. Архив - Sputnik Кыргызстан
Экстремизм, терроризмге үгүттөгөн 21 сайтка тыюу салынып, сегизи соттун кароосунда
Азимжан Аскаров 2010-жылы улут аралык чыр тутантууга айыпталып өмүр бою эркинен ажыратылган. Ал Бишкек — Ош унаа жолун тосууну уюштургандардын катарында болгону айтылат. Куралсыз 13 милиция кызматкери каршылыкка чыккан элге түшүндүрүү иштерин жүргүзүп жаткан маалда башаламандык жараткандар аларды сабап, Сулайманов аттуу милиция кызматкерин өлтүрүп, мыкаачылык менен өрттөп жиберишкен.

Буга чейин айрым эл аралык уюмдар Аскаровду бошотуу талабы менен кайрылып, 2016-жылдын июль айында Германиянын канцлери Ангела Меркелден да Кыргызстанга болгон сапарында Аскаровду бошотууга жардам берүүсүн суранган

Сот Аскаровдун күнөөсү далилденгенин билдирди. Ал улуттар аралык жаңжалды козутуу, баш аламандык жана адам өлтүрүүгө катыштыгы бар деп айыпталган.

"Жалал-Абад облустук сотунун 2010-жылы сентябрындагы Азимжан Аскаровду өмүр боюнча абакта калтыруу өкүмү күчүндө калат", — деп Чүй облустук сотунун комиссиясынын төрагасы Кыдык Жунушалиев өкүмдү окуду.

Соттун чечимин 10 күн ичинде Жогорку сотко даттанууга болот.

Айыпталуучунун жактоочулары өкүмдү жогорку инстанцияга арызданарын билдиришти.

Жаңылыктар түрмөгү
0