08:11 24 Кулжа 2021
Түз эфир
  • USD84.6481
  • EUR101.0106
  • RUB1.1649
Сүрөт

Журналист айтылуу Орзубек Назаров менен беттешти. Рингдеги кызыктуу сүрөттөр

Кыскача шилтеме алуу
152 0 0
  • Мен залды көздөй баратып, Орзубек Назаровдун беттешке даярданып жатканын алыстан көрдүм. Ал мага олжосун тапкан жырткычтай эле көрүндү. Баары мен ойлогондон да олуттуу экенин дароо түшүндүм, — деп комментарий берди бул сүрөткө Эркин Алымбеков
  • Мушташтагы маектешүү долбоорунун алып баруучусу кесипкөй бокс боюнча дүйнөнүн жети жолку чемпиону Орзубек Назаров менен беттешер алдында ойлуу турган чагы
  • Алып баруучу залга кирип баратканда мушкерди дал ушундай көрүнүштө элестеткен. Чемпиондун турган турпаты сизди да сестенттиби?
  • Көз караштар таймашы, беттеш алдындагы калыстын эскертүүлөрү, мээлейчен учурашуу...
  • 10 раундга белгиленген таймашта атаандаштар бири-бирин ич жакка гана урушту
  • Долбоорду Чиновник менен мушташ, Дуэль, Эркекче сүйлөшүү деп да атап көрдүк. Баса, Орзубек Назаров Жогорку Кеңештин экс-депутаты болуп саналат
  • Видеодо легендарлуу мушкердин кубаттуу соккуларынын добушу кадимкидей угулуп турат
  • Мушташ курч өттү. Анын олуттуулугун мага жеткирүүгө Sputnik Кыргызстан агенттигинин кызматкерлери, анын ичинде үн инженери Олег Котов да жардам берди
  • Назаров көпкө чейин каардуу боло алган жок. Бат эле жазылып, күлүп, позитивдүү болуп калды. Ага чейинки айбаты коркунучтуу болчу
  • 55 жаштагы экс-чемпион 15 жылдан бери рингге чыга электигин белгилеп, беттештен чындап ырахат алганын айтты
  • Алып баруучу мушкер Назаровго олуттуу сокку тийгизе алган жок. Чемпиондун коргонуусу дагы деле жогорку деңгээлде экен
  • Акыркы раунд аяктаганда атаандаштар кучакташты
  • Бокс кызыктай эле спорт... Адегенде мушташасың, анан кучакташасың, — деген Назаров беттештен соң
  • Мушташтагы маектешүү программасынын негизги бөлүгү беттештен кийин жазылат
  • Назаров ЖКда депутат болуп жүргөндө айрым кесиптештерин үч эле мүнөткө рингге чакырганын айтат. Бирок эч ким макул болбоптур
  • Программаны даярдоодо Алимжан Валиев, Эмил Садыров, Максат Элебесов, Табылды Кадырбеков, Эркин Садыков жана Олег Котовдон турган Sputnik Кыргызстан агенттигинин командасы иштеди. Ага көмөктөшкөн Орзубек Назаровдун бокс залына, машыктыруучу Владислав Визильтер жана калыс Мурат Курмановго терең ыраазычылык билдиребиз
© Sputnik / Табылды Кадырбеков
"Мен залды көздөй баратып, Орзубек Назаровдун беттешке даярданып жатканын алыстан көрдүм. Ал мага олжосун тапкан жырткычтай эле көрүндү. Баары мен ойлогондон да олуттуу экенин дароо түшүндүм", — деп комментарий берди бул сүрөткө Эркин Алымбеков

"Таймашуудагы маек" долбоорунун алкагында рингде Sputnik Кыргызстандын шеф-редактору Эркин Алымбеков бокс боюнча дүйнөнүн жети жолку чемпиону Орзубек Назаров менен кез келди.

"Таймашуудагы маек" долбоору бокстагы беттеш учурунда жүрөт. Атаандаштар тактикалык жактан бири-биринин эбин таап, мүмкүн болушунча көбүрөөк сокку урушу керек. Ошол эле учурда алар коргонууну да унутпашы зарыл. Мындай учурда маектешүү кыйын. Алып баруучу суроо бергенде атаандаш ага жооп бериши керек.

"Долбоорду "Чиновник менен мушташ", "Дуэль", "Эркекче сүйлөшүү" деп атап көрдүк. Акыр-аягы келип "Таймашуудагы маек" дегенге токтолдук. Долбоор старт алды", — деп белгиледи Эркин Алымбеков.

Ал кыргызстандык белгилүү инсандарды, алардын катарында чиновниктерди, депутаттарды, блогер жана башкаларды беттешке чакырууга ниеттенет.

"Ринг ичинде көп нерселерди сүйлөшөбүз. Көбүнесе жогорку интеллектуалдык темалардан кеп салабыз. Мага сокку уруп, кайра коргонуп, ошол эле учурда суроого да жооп табышы керек. Рингде бир-эки сокку тийгенде бардык психологиялык чектер өчөт. Спарринг учурунда адамдын жеке жашоосу, ал тууралуу кенен маалыматтарды сүйлөшүп жетишебиз", — деди Sputnik Кыргызстандын шеф-редактору.

Программанын алгачкы коногун тааныштыруунун зарылчылыгы деле жок, деген менен айрымдар үчүн айтып коёлу, Орзубек Назаров профессионалдык бокстун WBA (Дүйнөлүк бокс ассоциациясы) версиясы боюнча дүйнөнүн жети жолку чемпиону. Карьерасында 27 беттеш өткөрүп, 26сын жеңген. 20 атаандашын эстен тандыра согуп, нокаутка кетирип уткан.

Назаров 1994-жылы америкалык Жо Гамачени сулата чаап утуп, дүйнөлүк бокста жылдызы жанган. Төрт жылдан соң беттеш учурунда кыргызстандык мушкер жаракат алып, сол жак көзү көрбөй калат. Ийгиликтүү операциядан улам көрүүсү акырындап калыбына келет. Бирок мушкер спорттогу жолун уланта албай калган.

Мекенине келгенден кийин бизнес менен алектенип, өзүнүн менчик спорттук залын ачат. 2007-жылы Жогорку Кеңешке депутат болуп шайланып, кийинчерээк саясаттан да кеткен.

Тема боюнча

Талкаланган мөңгү, эңшерилген кен. Кумтөрдүн азыркы көрүнүшү сүрөттөрдө
Суктанып бүтпөй... Ааламдагы асман тиреген ажайып 10 имараттын сүрөтү
Жамал Сейдакматованын боюнан түшүргөн тасма. "Отко таазим" фильминен ирмемдер
Белгилер:
Орзубек Назаров, Эркин Алымбеков, Sputnik Кыргызстан, долбоор, маек, беттешүү, ринг, бокс

Дагы сүрөт түрмөктөрү

ЭҢ МААНИЛҮҮ