БИШКЕК, 25-дек. — Sputnik. Россиянын Биринчи каналынын сайтында КВНдин Жогорку лигасынын финалдык оюнунун видеосу жайгаштырылды.
Сезондун акыркы оюну жума күнү өттү. Баш байге үчүн "Азия MIX", Спарта" (Астана), "Радио Свобода" (Ярославль), Мурманск шаары жана Москва циркинин курама командалары ат салышкан. Үч сынактын жыйынтыгы менен кыргызстандык команда — 10,9, "Спарта" — 10,6, Мурманск курамасы — 10,4, Москва циркинин курамасы — 10,2, "Радио Свобода" — 9,5 упай топтогон.
Натыйжада "Азия MIX" Борбордук Азиядан чыккан жападан жалгыз жеңүүчү команда болуп калды.
