Кара-Суудагы спортчулардын атышуусу. Окуянын чоо-жайы

© AFP 2023 / RAUL ARBOLEDAТапанча кармаган адам. Архив
Тапанча кармаган адам. Архив - Sputnik Кыргызстан
Жазылуу
Ош облустук милициясы учурда бул ишти ИИМдин алдындагы Аймак аралык башкармалыгы иликтөөгө алып жаткандыгын билдирди.

БИШКЕК, 23-сен. — Sputnik. Кара-Суудагы атышуудан ок жеген бейтап жандандыруу бөлүмүнөн сыныктар бөлүмүнө которулду. Бул тууралуу Ош облустар аралык бириккен клиникалык ооруканасынан билдиришти.

Атышуу болгонун Криминалдык милиция кызматынын жетекчиси Нурбек Абдиев тастыктаган.

Муштум. Архив - Sputnik Кыргызстан
Үч кишини аёосуз сабагандар абактан мушташа кетип, таяк жешти
Укук коргоо органдарындагы ишенимдүү кишинин айтымында, окуя 22-сентябрга караган түнү Кара-Суу районунун Фуркат айылындагы спорттук комплекстердин биринде болгон. Эки спортчу сөз талаша кетип, ортодо чыр чыгып, бири экинчисине ок аткан. Санына ок тийген жабырлануучу Ош облустар аралык бириккен клиникалык ооруканасына 22-сентябрь күнү эртең мененки саат 9:00 чамасында кайрылган.

Маалымат булагы жабыркаган адам милициянын мурдагы кызматкери болсо, ок аткан киши Кыргызстанга таанымал спортчу экенин кошумчалады.

Ош облустук милициясы учурда бул ишти ИИМдин алдындагы Аймак аралык башкармалыгы иликтөөгө алып жаткандыгын билдирди.

Кызыктуу жана маанилүү жаңылыктарды алгачкылардан болуп билгиңиз келеби?
Биздин Telegram-каналга жазылыңыз.
Виджет news
Жаңылыктар түрмөгү
0