БИШКЕК, 16-апр. — Sputnik. Өкмөт үйүнүн алдында өткөн жума күнү өрт чалган "Ош" базарынын соодагерлери митинг өткөрүп жатышат.
Маалыматка ылайык, нааразы болгондордун саны болжол менен 150-200 кишидей бар.
"Ош" базарынын соодагерлери өкмөт үйүнүн алдына митингге чыкты.
"Ош" базарынын соодагерлери өкмөт үйүнүн алдына митингге чыкты.
"Ош" базарынын соодагерлери өкмөт үйүнүн алдына митингге чыкты.
Соодагерлер өкмөт мүчөлөрүнүн бири чыгып, сүйлөшүүсүн талап кылып жатат. Митингчилердин айтымында, өрткө жол берген базардын жетекчиси жазага тартылып, келтирилген зыянды төлөп бериши керек.
Эскерте кетсек, кырсык 13-апрелге караган түнү болгон. Өрттүн очогу Киев менен Кулиев көчөлөрүнүн кесилишине жакын "Берекет" базарында жайгашкан. ӨКМ базар атайылап өрттөлгөнүн айтып, милиция кылмыш ишин козгоду. 5200 чарчы метр аянтты жалмаган өрт 16 сааттан кийин толук өчүрүлгөн.
Премьер-министр Сапар Исаков жыйын өткөрүп, өрттөн жабыркаган соодагерлерге жардам берүү тапшырмасын берди. Мындан тышкары, кырсыктан жапа чеккендерди атайын түзүлгөн комиссия аныктамай болгон.
