13:53 21 Жетинин айы 2019
Түз эфир
  • USD69.8500
  • EUR77.2506
  • RUB1.0910
Торговцы выводят свои товары после крупного пожара на территории Ошского рынка в Бишкеке

"Ош" базарында чыккан өрт боюнча кылмыш иши козголду

© Sputnik / Табылды Кадырбеков
Окуялар
Кыскача шилтеме алуу
"Ош" базарындагы үчүнчү өрт (26)
367 0 0

Буга чейин өзгөчө кырдаалдар министринин орун басары Калыс Ахматов өрт атайылап коюлганын айткан болчу.

БИШКЕК, 13-апр. — Sputnik. "Ош" базарында чыккан өрт боюнча кылмыш иши козголгонун Бишкек шаардык милициясы билдирди.

Эскерте кетсек, бүгүн саат аталган жердеги "Берекет" базарында өрт чыкканы тууралуу маалымат ӨКМге таңкы саат 3.52де түшкөн. Өрт чыккан жерде 8 өрт өчүрүүчү бөлүм, 14 даана техника, 4 суу ташуучу унаа, бир тез жардам бригадасы жана ИИМден 800гө чукул кызматкер иштеп, саат 7.40та өрт чектелген.

Ал арада өзгөчө кырдаалдар министринин орун басары Калыс Ахматов өрт атайылап коюлганын билдирген.

Милиция тараткан маалыматта кырсык чалган жерге биринчилерден болуп ШИИБдин мобилдик батальонунун кызматкерлери барган.

"Ушу тапта окуя болгон жерде ШИИБ жана Ленин РИИБдин тергөө тобу иштеп жатат. Өрт фактысы боюнча Кылмыш жаза кодексинин 174 (Мүлктү атайылап жок кылуу же бүлгүнгө учуратуу) жана 238-беренелердин (Өрт коопсуздугу боюнча эрежелерди бузуу) негизинде кылмыш иши козголду. Экспертизанын жыйынтыгы менен окуяга юридикалык баа берилет", — деп айтылат билдирүүдө.

Учурда милиция кызматкерлери коопсуздук чараларын көрүп, соодагерлер арасында түшүндүрүү иштерин жүргүзүп жатат.

Жыл башынан бери үчүнчү ирет өрт чалган "Ош" базарында азыр абал кандай болуп жатканын тексттик трансляциядан билсеңиз болот.

Тема:
"Ош" базарындагы үчүнчү өрт (26)

Тема боюнча

"Ош" базары атайын өрттөлгөн. Кырсык боюнча ӨКМдин алдын ала берген жообу
"Ош" базарында чыккан өрттүн асмандан көрүнүшү
Белгилер:
милиция, Өрт, ШИИБ, Ош базары, Бишкек

ЭҢ МААНИЛҮҮ