Күбө: Оштогу эстакадалык көпүрөнүн шыбагы урап, кош бойлуу келиндин башына түштү
Күбө: Оштогу эстакадалык көпүрөнүн шыбагы урап, кош бойлуу келиндин башына түштү
Sputnik Кыргызстан
Көпүрөнүн капталдарында чоң жаракалар бар экенин, аларды кырып тазалабаса дагы башкалардын башына түшүшү ыктымалдыгын күбө айтты. 08.03.2017, Sputnik Кыргызстан
Көпүрөнүн капталдарында чоң жаракалар бар экенин, аларды кырып тазалабаса дагы башкалардын башына түшүшү ыктымалдыгын күбө айтты.
БИШКЕК, 8-мар. — Sputnik. Ошто жаңы салынган эстакадалык көпүрөнүн капталындагы шыбактары урап, кош бойлуу келиндин башына түшкөнүн окуяга күбө болгон жаран Sputnik Кыргызстан агенттигинин WhatsApp номери аркылуу билдирди.
Ал ошондой эле көпүрөнүн капталдарында чоң жаракалар бар экенин, аларды кырып тазалабаса дагы башкалардын башына түшүшү ыктымалдыгын айтты.
Окуя көз алдында болгонун айткан Байболот Атаканов кош бойлуу келин эсин жоготуп жерге жыгылганын билдирди.
"Сулайман-Тоодон түшүп келе жаткам. Жаңы көпүрөнүн капталындагы шыбактыры сыйрылып түшүп келиндин башына түштү. Ал эсин жоготуп жыгылды. Окуя түшкү саат 14:00дөр чамасында болду. Тез жардам кызматына чалсак линия бош эмес болуп туруп алды. Анан жеңил машина менен балдар алып кетишти", — деди Атаканов.
Ал ошондой эле көпүрөнүн капталдарында чоң жаракалар бар экенин, аларды кырып тазалабаса дагы башкалардын башына түшүшү ыктымалдыгын айтты. Ошондой эле жаан жааганда суу агарын кошумчалады. Ош шаарынын мэриясы окуянын чоо-жайын тактап жатат.
Эске салсак, "кылым курулушу" аталган эстакадалык бул көпүрө 2015-жылы октябрдын аягында өлкө президенти Алмазбек Атамбаев барып ачкан. Ош шаарынын тургундары жаңы салынган көпүрө экенине карабай ал сапатсыз салынганын айтып, айрым сүрөттөрүн социалдык тармактарга жайгаштырышкан болчу.
