Казак тарап Кыргызстандын тоок этине чектөө киргизгенине жооп кайтарды

© Sputnik / Евгений Биятов / Медиабанкка өтүүТоок эти. Архив
Тоок эти. Архив - Sputnik Кыргызстан
Жазылуу
Айыл чарба министрлиги Алматы облусунда 10 жылдан бери куштардын эч кандай дарты байкалбаганын айтты.

БИШКЕК, 10-окт. — Sputnik. Казакстандын Айыл чарба министрлиги Кыргызстанга тоок этинин киргизилишине киргизген чектөөсүн мыйзамсыз деп атады. Бул тууралуу аталган мекеменин сайтында айтылат.

Выращивание фасоля в Кыргызстане - Sputnik Кыргызстан
Төө буурчактын баасы көтөрүлөбү? Таластык дыйкандардын арыз-муңу
Эскерте кетсек, Кыргызстандын Ветеринардык жана фитосанитардык коопсуздук боюнча мамлекеттик инспекциясы куш тумоосу жайылууда деген шектен улам Казакстандан тоок эти менен бир катар продукцияны алууга убактылуу чектөө киргизген.

Коңшу өлкөнүн тийиштүү министрлиги Алматы облусунда 10 жылдан бери куштардын дарты катталбаганын билдирген. Маалыматка ылайык, куштардын арасында жайылган Ньюкасл оорусу боюнча Түндүк-Казакстан облусунун Айыртау районунда жарыяланган карантин 19-сентябрда алынган.

"Мындан улам Алматы жана Түндүк-Казакстан облустарынан тоок этин жана жумуртка алууга киргизилген чектөө мыйзамга ылайык келбейт", — деп айтылат министрликтин маалыматында.

Тийиштүү кат Кыргызстандын Ветеринардык жана фитосанитардык коопсуздук боюнча мамлекеттик инспекциясына жөнөтүлгөнү маалымдалды.

Жаңылыктар түрмөгү
0