БИШКЕК, 30-окт. — Sputnik. Казакстан убада кылган 100 миллион долларды Кыргызстан акыры ала албайт болчу. Бул пикирин өкмөттүн жыйынында премьер-министр Сапар Исаков билдирди.
"Казакстан алдын ала маалымдабай туруп чек арадагы көзөмөлдү күчөтүп койду. Бул макроэкономикалык жетишкендиктерге тоскоол болушу мүмкүн. Коңшулардын дискриминациялык нормалары тышкы сооданы кечеңдетип жатат", — деди премьер.
Ошондой эле ал ЕАЭБге кирүү боюнча жол картасын ишке ашыруу зарылдыгын кошумчалады.
"Биз Казакстандын жардамынан баш тартканыбыздын себеби — аны өтө көпкө күтүп калдык. Менин баамымда, ал жардам бизге жетмек эмес же темир-тезек түрүндө берилмек", — деди Исаков.
Анткен менен эч ким биримдиктин шарттарын аткаруудан баш тартпай турганын жана жардам күтүп отура берүүнүн зарылдыгы жок экени айтылды.
25-октябрь күнү Жогорку Кеңеш Казакстан тарап технилык жардам катары 100 миллион доллар бере турган келишимди жокко чыгарган мыйзам долбоорун биринчи окууда жактырган.
