Исхак Раззаковдун 111 жылдыгына карата виртуалдуу көргөзмө ачылды

© Фото / Центральный Государственный архив Кинофотофонодокументов КРАрхивное фото известного государственного деятеля Исхака Раззакова
Архивное фото известного государственного деятеля Исхака Раззакова - Sputnik Кыргызстан, 1920, 07.09.2021
Жазылуу
Razzakov. archive.kg сайтындагы онлайн-көргөзмөдө мамлекеттик ишмердин жашоосунун негизги этаптары жана коомдук-саясий ишмердүүлүгү жөнүндө маалыматтар камтылган.

БИШКЕК, 7-сен. — Sputnik. Мамлекеттик архив агенттиги көрүнүктүү мамлекеттик ишмер Исхак Раззаковдун 111 жылдыгына карата виртуалдуу көргөзмө уюштурду. Бул тууралуу Санариптик өнүктүрүү министрлиги маалымдады.

Онлайн-экспозиция коомчулукту XX кылымдын белгилүү мамлекеттик ишмеринин жашоосу менен тааныштыруу максатында даярдалган.

"Тарыхый-даректүү көргөзмө Борбордук мамлекеттик архивдин коомдук-саясий документация фондундагы документтердин негизинде түзүлдү. Онлайн-көргөзмө "Кыргызстандын мамлекеттик ишмерлери" көргөзмө сериясынын алкагында уюштурулууда", — деп айтылат маалыматта.

Razzakov.archive.kg сайтында Исхак Раззаковдун жашоосунун негизги этаптары жана коомдук-саясий ишмердүүлүгү жөнүндө маалыматтар камтылган.

Жаңылыктар түрмөгү
0